Mamallakta Tantanakuyta pushak, Guadalupe Llori Abarca, 712 yupay rimanakuyman kamachiy killkakunata kayarka, kaya 25 puncha, 11h40 sayllamanta rimanakuyta kallarinka.
Kay rimanakuyka Comisión Especializada Ocasional tantarita shayachinka, paykuna Mamallaktapak Mamakamachiyta allichinkapa shuk tantarita akllanka, paykuna kamaywasikunata, yachakkunata, tantarikuna kayashpa llankanka.
Chay tantarimanka kari warmi kamachiy killkakkuna pakta pakta yaykurinka, kanchis kamachiy killkakkuna tiyarinka, shinami Función Legislativa hatun Kamachiy, 24 nikipi rimashkata paktachinka.
Shinallatak Memorando No. AN-CFCP-2021-0089-kamachiyta riksinka, kayka Comisión de Fiscalización y Control Político kachashkami kan, shinallatak Exministro de Recursos Naturales no Renovables, René Ortiz hawa riksinka, kipaman imashina katinata arininka.
Paykunaka katipika, Mamallaktata Pushak Guillermo Lasso, kachashka Economía Circular Inclusiva kamachiyta atinakunka, kay kamachiytaka yallik Comisión de Desarrollo Económico allichishkami kan, Daniel Noboa Azin kamachiy killkak pushamushka kan.
Kay kamachiyka puchukunata ashayachina llaktayta mirachinka, tukuylla llaktay llankaypi maypi puchukuna tiyakta ashtawan ashayachina, kay llankaykunapak Mamallaktamanta kullkita tiyachun llankayñanta ruranka, Economía Circular Inclusiva de Residuos y Política Pública kamachiyka llankaykunata, kullkikunata llaktakunapi, markakunapi, kitikunapi mirachinka.
Shinallatak kay Comisión de Desarrollo minkashka, Mamallakta Tantanakuy kay kamachiypak pichka nikita allichishpa, 48 rikuykunata allichishpa mushuk kamachiypi churachun mañan.
SV/pv/jc-kichwa
