Mamallakta Tantanakuyta pushak, Guadalupe Llori, llankaykuna pachamamawan mashiyarishka, chirikunuk llakita chawpik kachun rikuchirka.
Chaymanta, payka Convención Marco de Naciones Unidas sobre Cambio Climático (COP26) hatun tantaripi kashpa shina rimarka. Kay aknayka Embajada Británica ista kamachik karka.
Shinallatak Nelson Baldeón, Global Consultancy hatun pushak, payka makita kushpa llankashun nirka.
Shinami, chirikunuk llakita ashayachinkapa llaktakunawan, kamachikkunawan, yachakkunawan hatun rimanakuyta charina nirka. Tamyak karpakunamanta ama mapa waksi llukshichun harkana hawa yuyarina nirka.
Chay Reino Unido en Ecuador, Chris Campbell ista kamachikka, Cop26 llankayka tukuy Mamallaktakuna tantarishpa chirikunuk llakita ashayachinkapa ñanta mashkana nirka, chirikunuk rantichirika allpapachata achkata llakichin nirka, chaymanta shamuk runakuna ama sinchi llakita charichun mana wakllichik llankayta churana nirka.
Shinallatak Ministro del Ambiente, Gustavo Manrique kamachikka, Ecuador llaktaka punchanta, chirikunuk ama llakirichun punchanta ñakarin nirka. Chaymanta Transición Ecológica llankayta pushakunchin, Ministro de Energía, Juan Carlos Bermeo kamachikka, Ministerio de Ambiente kamachikwan makita kushpa llankashun nirka.
Paymanta Mamallakta Tantanakuyta pushak, Guadalupe Llori, alli llankakkuna shina llankaykunata, sumakrurayta, yachaykunata Mamallaktapura rantinchina kanchik nirka, chaymanta Ecuador llaktapi tiyak llankakwasikuna pachamamata mana llakichik llankayta pushachun kayarka. Punkara surkushpa pachamamata mana llakichichun mañarka.
Kay llakikunata rikushpa Mamallakta Tantanakuyka Economía Circular kamachiyta, Código Orgánico Integral Amazónico kamachiyta, Código Orgánico Ambiental kamachiyta, Para el Desarrollo Forestal Sustentable y Sostenible kamachiyta allichikun nishpa riksichirka. Kay kamachiykunawan kutintak sachakunata, tukuysami kawsayta, yakuta charinkapa llankashun nirka.
Chaypi kak kamachikkuna rimashka kipa Yolanda Kakabadse, yallik Ambiente hatun kamachik. Mamallakta Tantanakuyka, Guadalupe Llori rimashkata hawapi churarka, Antisuyumi pachamamata ukllashpa sachakunata, mayuta, wiwakunata charin nirka, chay llaktapi kawsak runakuna, paypak allpamanta achka charimushkuna llukshikta rikushka, shinapak paypak llaktakunaman kullki, alli llankay mana chayashka nirka.
Kay rimanakuypika: Enrique Villalobos, País de Gran Tierra Energy pushak; Carlos Sarmiento, Gerente de la Región Andina de Schlumberger kamachik; David Balladares, Corporativo Unilever kamachik; Antonio Acosta, Banco Pichincha kamachik; Verónica Sevilla Directora Ejecutiva del Comité Ecuatoriano Empresaria kamachik, llankakwasikunata pushakkuna karka. Paykuna tantarishpa pachamamata ukllanka.
RSA/pv/jc-kichwa
