Mamallakta Tantanakuy rimanakuyta tukuchinkapa, Mamakamachiyta allichichun Comisión Especializada Ocasional para el Tratamiento de los Proyectos de Enmiendas y Reformas Constitucionales que cuentan con Dictamen de Procedimiento de la Corte Constitucional Minkashkata allarka, rimanakuna patakupika Marlon Cadena, Isabel Enríquez, Diego Ordóñez, Francisco Jiménez, Esteban Torres, Fernando Cedeño, Ricardo Vanegas kamachiykuna tiyarirka.
Shinallatak Fiscalización y Control Político Minkashka, chay René Ortiz, yallik Energía y Recursos Naturales no Renovables kamachikta llaktay wanachita rurankapa, kutintak katichun shuk ñanta paskarka. Chayta paktankapa tapuykunata rurachun Salvador Quishpe, Luis Almeida kamachiy killkakkunata akllarka, paykunami katinka.
Mamallakta Tantanakuy llaktayuk kamayta, Antisuyupi hatun ñantamanta rimarka
Mamallakta Tantanakuy llaktayuk kamayta, Antisuyupi hatunñanta utkashpa hatunyachinkapa Ministro de Transporte y Obras Públicas kamachikwan rimanakuyta charirka, ashtawankarin chay Troncal Amazónica hatunñanta allichinkapa rimanakurka, ishkay Mamallaktapi kawsak runakuna purina hatun ñan, chakakunapash wakllirishkamanta allichina nirka, kay llakimanta riksina llankay, llankaykuna, katunakuna ñanpi sakirishka, chaymanta llaktayukkuna kullkita mana charin nirka. Mamallakta Pushak kullkita, kamayta churashpa llakita allichichun mañarka, kay “Plan de Seguridad Ciudadana y Convivencia Social Pacífica 2019- 2030” llankayta katichun atirka. Shuwakunata, wañuchikkunata, tukuysami takaykunata, llaktayukkunata llakichikta harkankapa “Plan Estratégico de Seguridad Integral Fronteriza” llankayta tankachun shuyachik nirka. Kay Arancel Consular y Diplomático hawa supaycharka, kay 28 puncha, ayriwa killapi, 441 yupaywan, Registro Oficial ukupi kipuchishka, Acuerdo 036 del Ministerio de Relaciones Exteriores y Movilidad Humana kamachiyta anchuchichun mañarka.
Mamallakta Tantankuy añawharka katikuywan kallarirka
Mamallakta Tantanakuy awllikkunata allikawsayta kamankapa, Covid-19 unkuyta harkankapa, añawharka katikuywan paktarka, kay 50 watata charik awllikkunata, kamachikkunata, chichu warmikunata, ancha unkukkunata, pichak runakunata kallaripi churashpa hampirka. Kay Consejo de Administración Legislativa kamachikkuna kay llankayta kamaykunka, kipaman llakatayukkunata hampishpa katichun kamanka.
Mamallakta Tantanakuyta pushak takayta anchuchinkapa rimanakurka
Mamallakta Tantanakuyta pushak, Guadalupe Llori kamachik, Secretaria de Derechos Humanos kamachikta chaskirka, payka takaykunata anchuchinkapa rimanakuyta charirka, ashtawankarin warmikunata takayta anchuchinka. Kay yuyaywanllatak Defensor Público kamachikwan rimanakuyta chrirka, payka kamachiywan yanapayta, apuyyanapayta kunkapa arinirka. Ashtawankarin kusawarmi makanakuyta, ayllu ukupi waktayta anchuchinkapa, llakirishka pakta runakunata allinchinkapa arinirka. Shinallatak Mamallakta Tantanakuyta pushak, Frente Unitario de Trabajadores (FUT pushakkunata chaskirka, paykunaka mushuk Código de Trabajo kamachiyta rurana nirka. Mamallakta Tantanakuy pushak ukupi Consejo Nacional de Gobiernos Parroquiales Rurales del Ecuador kamaywasimanta 20 pushakkuna chayarka, paykunawanka: Amazónica kamachiyta, Fronteriza kamachiyta, Código de Planificación y Finanzas Públicas kamachiyta allichina hawa rimanakurka.
Kay Mamallakta Tantanakuyka ista kamachikkunata charirka
Kay Ecuador llakta Mamallakta Tantankuypak shutipi, kamachiy killkak Mariano Curicama ista hampillika tantaripi karka, chaypi "Transformando la comida; Sistemas de Salud, Equidad y Sostenibilidad", hawa rimarka, kay rimanakuytaka Naciones Unidas y la Unión Interparlamentaria hatun tantanakuymi pusharka. Shinami Martin Chungong, Unión Interparlamentaria hatun pushak, payka unipak, paktapakta mikuna charinamanta rimarka. Kay rimanakuy pachapi Mariano Curicama kamachiy killkak, tarpukunami llaktakunapi yarikay ama tiyachun harkanka. Hatun kamachikkunaka yapa wakcha runakunapi ñawita mana churanchu nirka. Mamallaktapak paklla ayllullaktakunapi pichka wawamanta, chusku wawami zalayashka rikurin, rimarka.
Mamallakta Tantanakuyta pushak chirikunuk rantinchirita harkankapa kayarka
Mamallakta Tantanakuyta pushak, Guadalupe Llori, llankaykuna pachamamawan mashiyarishka, chirikunuk llakita chawpik kachun rikuchirka, payka Convención Marco de Naciones Unidas sobre Cambio Climático (COP26) hatun tantaripi kashpa shina rimarka. Kay aknayka Embajada Británica ista kamachik pusharka. Paymanta Mamallakta Tantanakuyta pushak, Guadalupe Llori, alli llankakkuna shina llankaykunata, sumakrurayta, yachaykunata Mamallaktapura rantinchina kanchik nirka, chaymanta Ecuador llaktapi tiyak llankakwasikuna pachamamata mana llakichik llankayta pushachun kayarka. Punkarata surkushpa pachamamata mana llakichichun mañarka.
Wawata ukllana, Judicatura kamaywasipak shuk rimaycharikta kuyuchishka llaktay chaypay wallparirka
Kay Consejo de Participación Ciudadana y Control Social kamaywasi, chay Consejo de Judicatura kamaywasipak rimayta charik, Fausto Murillo kamachikta llankaymanta kuyuchishka karka, chaytami Comisión de Justicia tantari katirka. Chayta riksinkapa, Trabajo, Patricio Donoso kamachik rimashkata; Consejo de la Judicatura, María del Carmen Maldonado kamachik rimashkata, Vocal Fausto Murillo rimaycharik rimashkata uyarka. Kay Protección Integral de Niñas, Niños y Adolescentes tantari ukupi, Inclusión Económica y Social, Mae Montaño hatun kamachik karka, payka Secretaría de Estado kamachiywasi rurashkata willarka, llakirishka wawakunata, runakunata chaskik wasiwan yuyarishka tukurishkata, ruraykunata riksichirka, wakllirishka runakuna chaskina llankayñanta, chay llankankapak mashna kullkita charishkata willarka. Kay Soberanía Alimentaria tantarika kamachikkuna rikuna katikillata arinirka, ashwankarin tarpunata, chalwanata, mintalanata rikuk kamachikkuna shamuchun kayarka, paykunataka llaktayukkuna mutsushkapi yanapachunmi rimanakunka.
Kay Comisión del Derecho a la Salud añawharka llankayñanta, hatun unkuy purikuyta rikurka
Ky Comité de Operaciones de Emergencia (COE) Nacional pushak, Director del Servicio Integrado de Seguridad ECU911 kamachik, Mamallaktapi hatun unkuy purikuyta Derecho a la Salud minkashka ukupi willarka. Chaypimi Para la Gestión de Emergencia Sanitaria por Pandemia kamachiyta arinina maymutsurik kakta hamutarka, kay kamachiywan hatun unkuyta harkachun, runakunapak kawsayta kishpiychinkapa achkata yanapanka nirka. Chaypimi Ministra de Salud kamachik karka, payka añawharkawan paktakushkata willarka, 110 punchapi 9 hunu runakunata hampishpa hatun kamachik paktanatami willarka.
Kay Contratación Pública, zirmamanta yalli kullkita hapishka, runakunata kamaypash minkashkakunapi rimanakuyka karka
Kay Régimen Económico Tantari, Sistema de Contratación Pública kamachiyta allichinata kallarirka, chaypimi Servicio Nacional de Contratación Pública kamachik, Asociación de Municipalidades del Ecuador tantari, Cámara de la Industria de la Construcción y Constructores Positivos kamaywasi karka, paykunaka shuwaykunata harkankapa kay kamachiyta utkashpa arinichun mañarka. Kay Comisión de Desarrollo Económico tantari ukupi, zirma kamachikkuna, Ministro de Energía y Recursos Naturales no Renovables hatun kamachik ñawpashka, llaktayukkunata zirmamanta yalli kullkita hapishka pankata rikunkapa arinirka, payka Guayas markapak llakimanta huchakunata riksishpa wanachinkapa arinirka. Shinallatak, Comisión del Derecho al Trabajo tantarika, Seguridad Social de las Fuerzas Armadas kamaywasimanta, Policía Nacional kamaywasimanta hatun kamachikkunata chaskirka, paykunawanka Mamallakta Pushak awkakuna, chapakkuna rukuyashpa kullkita hapina Mushuk Kamachiyta mana arinishka hawa rimanakurka.
Pv/Jc- kichwa
