Mamallakta Tantanakuy 132 apuchiwan Economía Circular Inclusiva kamachiyta arinirka, chay kamachiyka Mamallakta Pushak kachashka karka, 48 rikuykunata charirka.
Chaymanta pichka nikikunata kamachiy killkakkuna ishkaykutin allichirka, kipaman kamachiy Kipupi shutichishka kachun kachanka.
Kay Comisión de Desarrollo Económico tantarita pushak, Daniel Noboa Azin kamachiyta allichik, Mamallakta Pushak kachashka, kamachiypak yuyaykunata, nikikunata, killkamilkakunata allichirka, kipaman ña arinirka.
Atinakuna Pataku Comité Nacional de Economía Circular tantarita anchuchinata yanaparka, kunan kullki illak pachapi shuktak tantarita wiñachina mana mutsurinchu nishpa rikuyta churarka, kamachiywan ashtawan sinchita llaktakunapi llankana alli kan nirka.
Tayta, Wilma Andrade kamachiy killkak, muyuykullkika mushuk mintalaykuna, mushuk llankaykuna mirarichun yanapanka, Producto Interno Bruto (PIB) kullkipash mirarinka, tarpuykuna, kapukyaykunapash achkayanka nirka, puchu kupakuna ashyanka, pachamamata llankaykuna mana mapayachinka. Kipaman kay 20, 21 nikikunapash allichirichun mañarka.
Katipika César Rohon kamachiy killkak, tukuylla kamaywasikuna, shukpaklla kamaywasikuna, Gobiernos Autónomos Descentralizados kamaywasikuna makita kushpa llankachun mañarka. Kay Comité Nacional de Economía Circular tantari anchurichun paypak yuyaywan karka.
Shuktak kamachiy killkakkuna, imashinami: Diana Pesántez kamachiy killkak, John Vinueza kamachiy killkak, Francisco Jiménez kamachiy killkak, Viviana Veloz kamachiy killkak, Nathalie Viteri kamachiy killkak, Nathalie Arias kamachiy killkak, Johanna Moreira, kamachiy killkak, Washington Varela kamachiy killkak, Joel Abad kamachiy killkak rimaykunata charirka, paykunapash Comité Nacional de Economía Circular tantari anchurichun mañarka.
SV/pv/jc-kichwa
