Kay Comisión de Justicia tantaripak ñawpakpi Fiscal General del Estado, Diana Salazar kamachik, Defensora del Pueblo, subrogante, Zaida Rovira kamachik, wayru killa, 2019 watapi atirita riksichirka.
Chaymanta, kay Comisión de la Verdad tantari, Justicia tantari runapak hayñikunata pakishkata rikuchirka.
Rimashka kamachikkunaka Jhajaira Urresta kamachiy killkak kayashkami shamurka, Mamallaktaka allita willachun mañan nirka, wakllichishka, wañuchishka runakunamanta huchata aparinka nirka, chay huchakunata allichinata charin nirka.
Shinallatak chay Defensoría del Pueblo kamaywasi 16 pakta runakunata, Contraloría wasita rupachishka hawa rimarka, chay rupaytaka chay wasi ukupi llankakkunallatak shinashka uyarirka nishpa karu willayta rurarka.
Tantari ukupi llankak kamachiy killkakkunami Defensora del Pueblo kamachik, katashkamanta runakuna ñawaita, uchilla aychakkunata chukrichishkata, utushkata willarka, paykunapak hayñimanta kaparikukpi awkakuna, chapakkuna illapawan tukyachikpi chukririrka.
Paymanta, Defensora del Pueblo, Zaida Rovira kamachik, waktashkamanta katikuykuna paktachun rikurakun nirka, chaymanta mutsushka willaykunata chayachichun mañarka. Chaytami payka willarka.
Shinallatak Defensoría kamaywasika, Mamallaktapi Comisión Interamericana de Derechos Humanos kamaywasiwan llankashkata riksichirka, 2019 watapi kapari punchakuna llakita charik runakunata tapushka karka, chaytapash willarka.
Chay Fiscal General del Estado, Diana Salazar kamachik runapak hayñita pakishka hawa willaykunata churarka, payka paktakayta mana pakisha nirka, mayhan wanachishkapash yanapayta mana churashka kankachu, rimarka. Huchachishkakunaka kishpirinkapa katikushkata chaytami paktachina kan nirka.
Kamachik, Diana Salazar, wanay katikuypi achkata harkakunata taririshka willarka, chaymanta kunankama mana utkashkanchik nirka, chay llakikunata makita riksina, mallinami kan nishpa riksichirka. Kay pankakunata kachakkunami ashtawankarin katikun nishpa willarka.
PV/jc-kichwa
