Mamallakta Tantanakuyta pushak, Guadalupe Llori Abarca, Sucumbios markapak, Amado Chávez, kamachik rimashkata uyarka.
Payka Antisuyu llaktakunata yachanawasikunata, tarpuykunata yapa tamyashpa llakichirka, kay llaktakunapash Mamallaktapak ukupi kan nirka.
Tayta, Amado Chávez, marka kamachikka, Mancomunidad de Gobiernos Autónomos Provinciales de la Región Amazónica del Ecuador (Conga) shutipak shuk napayta chayachirka.
Chayta uyashpa Antisuyu llaktakunata yanapankapa Mamallakta Tantanakuy, Mamallakta Pushakwan makita kushpa llankashun nirka.
Chay Archidona llaktapi kawsak aylluktakunapak llakikunata, mutsuykunata allichinkapa arinirka, 2019 watapi Mamallaktata wayrukillapi shayachishkamanta huchachishkakunata pichachun, huchachishka runakunata kishpichichun mañarka.
Chay, Sucumbíos markapak kamachikkuna yallik hunkapi arinishkakunata hapishpa Mamallakta Tantanakuy arinichun mañarka, payka Ecuador llaktapak Antisuyu llaktakuna, runakuna, ayllukuna hatunllakipi kawsakun chayta allichina kachun mañarka.
Chaymanta, Mamallakta Tantanakuyta pushak, Guadalupe Llori Abarca, Sucumbios markapak hatun kamachik rimashkata yupaykashka kipa, Antisuyu llaktakunapak llakikunata, mutsuykunata, mañaykuna kallaripi churashpa Mamallakta Tantanakuyta, Mamallakta pushakkunawan makita kushpa yanapachun mañarka.
EG/pv/jc-kichwa
