Mamallakta Tantanakuyta pushak, Guadalupe Llori kamachi killkak, Carlos Zabala, Consejo de Planificación de la Circunscripción Territorial Amazónica (CTA) tantanakuy pushakwan kunan punchami kay suyu llakta ayllukunata yanapanapak yuyaykunamanta rimanakurka. Kaypika sumak yachana wasi wiñachinapak ñan katinata rimanakurkakuna.
Yachaymanta
Zabala runaka Mamallakta Tantanakuyta pushakwan makipurashpami sumak yachana wasikunata Sucumbíos, Orellana, Morona Santiago, Zamora markakunapipash wiñachinapak llankashun nirkami. Yachana wasikunaka ishkay wata ñawpami ña kallarina karka, ashtawanpash, ñami kimsa wata yallishka, mana paktarishkachu, ninmi.
Mamallakta Tantanakuy ñawinchiynata paktashpami Secretaría de Educación Superior, Ciencia, Tecnología e Innovación (Senescyt) tantanakuyta kay sumak yachana wasikunata wiñachinapak mañanka, shinallatak CTA tantanakuymi katiranka, nirkami.
Shinallatak, llaktapak llankakka kay chillay punchami Mamallakta Tantanakuypak Educación Minkarishkaman sumak yachana wasikuna wiñachina paktarikushkata achiklla willaypi chayachinka. Kay CTA tantanakuyka kullkitami chayachirka, shinapash mana paktashkachu, ninmi
Ley Amazónica Kamachiy
Zabala runaka kay Ley Amazónica kamachiymanta rimarka shinallatak kay kamachiywanka kay suyu llakta ayllukunamanmi punkara, chuki, zirma mintalaymanta kullkita chayachin. Nirkapashmi kullkika kiti, kitilli shinallatak CTA tantanakuy pushakushka Fondo Común tantarikunamanmi kullkika chayan, shinallatak llankaykunaka yakupak, mapa yaku apanapak, pachamamata chuyayachinkapakmi chayanka.
Ashtawanpash, kamachiytami mana paktachikun, kunanpi llankaywan munayka pakta rakinata, yanapanata ashtawankarin mutsushkapi paktarinatami mashkakunchik, nirkami.
Hampina
Kay Antisuyu llaktami vakuna hampi chayashkamanta rimashpaka kay hunkay puchukay punchapimi waorani runakuna, Yasuní ayllu llaktapi hampirirka shinallata tukuy runa ayllu llaktakunapimi hampiwan chayashun, nirkami.
SV/pv/cg-k
Shukunata ashtawan rikuy:
