Mamallakta Tantanakuyta pushak, Guadalupe Llori Abarca kamachi killkak, Llaktapi Yachayta pushak, María Brown warmita chaskirka, payka imalla kamachiykuna mutsurishkata shinallatak llaktapi yachay sinchiyachun imalla ruraykuna paktarina illashkatami riksichirka.
María Brown warmika kay llankay wasimanta tukuy llaktapak llankay wasi pushakkunawanmi pakta rimanakuyta charinapak mashkakuni nirka, kayshina makipurashpa alli llaktayta, alli ruraykunata, achiklla llankayta, shinallatak llaktayukwan pakta yanaparinatapash pushankapak, nirkami.
Ashtawan nirkapashmi, yachachikpak yachanata ashtawan sinchiyachinapak, kikinyachinapakmi llankakunchik, kay llaktapi tawka shinallatak suyu llaktakunapipash yachachikkuna illashkapi chayachinkapak. Antisuyu llaktapi shina, kaypika tukuy llaktapi yupaykunamanta rikukpika ashalla yachachikkunami tiyan, chaymantami, utkashpa yanapayta chayachina mutsurin, nirkami.
Mamallakta Tantanakuyta pushak, Guadalupe Llori kamachi killkak nirkami, Mamallakta Tantanakuypak llankayka llaktayukkuna mutsushkapi yanapanapakmi llankakunchik, ashtawankarin mamallakta wiñarinapak llankaykuna kakpika utkashpami yanapana mutsurin, shinami yachayka kan, nirkami.
EG/pv/cg-k
