Mamallakta Tantanakuy kay awkarik punchami ishkay kutin tantanakunka. Mamallakta Tantanakuyta pushak, Guadalupe Llori, 174 niki rimanakuyman, 09h00 pacha tutamantapak kayachishka, kaypika Ley de Creación de la Universidad Intercultural de las Nacionalidades y Pueblos Indígenas, Amawtay Wasi kamachiy mushukyachina killkatami riksinkakuna. Kay rimanakuyka Educación, Cultura, Ciencia, Tecnología y Saberes Ancestrales Minkarishka allichishka killkapi kimirishpami paktarinka.
Kay rimanakuypika, kamachi killkakkunaka Relaciones Internacionales y Movilidad Humana Minkarishkapi allichishka killkatapshmi riksinkakuna, kaypika Convención Interamericana contra toda forma de Discriminación e Intolerancia yuyarinakushka kamaytami rikunkakuna.
Shinallatak 16h00 chishimantaka, 715 niki rimanakuymi kutinpash katinka, kaypika ishkay yuyarinakushka killkatami riksinkakun
Universidad Amawtay Wasi
Kay Creación de la Universidad Intercultural de las Nacionalidades y Pueblos Indígenas, Amawtay Wasi kamachiyta mushukyachinapak killkapika, kamachiy ruranapak chayachishka tawka killkakunatami tantachin, shinallatak Comisión Gestora minkarishka kay Sumak Yachana Wasipak hatun pushakshina paktarichunmi mashkakunpash.
Kay killka, shuklla niki killkatami charin, shinallatak kay Comisión Gestora minkarishkaka yachaypi, pushaypi, kullki kamaypi shinallatak chaparanapipash yanapachu, shinallatak sumak yachana wasipak kikin llankayta riksichinapak, kaypi llankanata allichinapak, pushanapak, tantachinapak shinallatak llankay kallarinapak imalla paktarinata allichinka, shinallatak tukuy mutsushkatapash paktachunmi yanapanka.
Kay llankaywillaypika Universidad Intercultural de las Nacionalidades y Pueblos Indígenas, Amawtay Wasi sumak yachana wasika kunan punchakama mana yachaykunata charinchu, chashnaka, ishkay patamanta wichiman yachanapak killkarishkakuna mana tiyanchu; shinallatak pakta yachachikkunata, yanapak yachachikkunata shinallatak kikin llankakkunatapash mana charinchu.
Chikanyachishka Millashkapash
Katipika, kamachi killkakkunaka, Relaciones Internacionales y Movilidad Humana Minkarishkapi allichishka killkatami rikunkakuna, kaypika Convención Interamericana contra toda forma de Discriminación e Intolerancia kamay killkata tukuyta arininapak rikuchishkatami riksinkakuna.
Killkapika kay Convenio kamay runa ayllukunapak kikin kawsayta, pakta pakta kanata shinallatak mana chikanyachiytapashmi sinchiyachinka nin, shinallatak kay kamachika chikanyachiyta, millaytapash riksichik patakunata churanka, llaktapash taripaypi, ista llaktakunawan makipurashpa llaktaypi, kamachiy ruraypi, anchuchinapi, taripaypimi, ista llaktakunawan makipurashpa kayshina chinkanyayta harkankapak, anchuchinkapak, mana ninkapak, wanachinkapakpash llankaka.
Chishiman llankay
Chishiman rimanakuypika kamachi killkakkunaka ishkay yuyarinakushka killkatami riksinkakuna. Shuk niki killkapika Llakta pushak, Guillermo Lasso runata, Educación, Finanzas llankay wasi pushakkunawan 2008 watamanta samanaman llukshishka ayllukunaman samana kullkita chayachichun kayachinapakmi shuk yuyarinakushka killkata arininkakuna.
Kayshina mañaytaka, Comisión de Soberanía Alimentaria tantanakuyta kipapushakmi chayachishka, hatun yuyaypika Educación llankay wasi pushakta, yachachik ayllukunapak samana kullki chayachinata rikuchik killkatami riksichun kayachin.
Puchukaypika, Kamachi killkakkunaka shuk yuyarinakusha killkawan Llakta Pushakta Chunchi kitipi estado de excepción paktarinata kallarichun mañankakuna. Silvia Nuñez kamachi killkakka ninmi hatun llakimi punchantami kay llaktapi allpa wakllirikun, allpa suchurikun shinallatak kay La Armenia shinallatak Kullpa ayllu llaktakunapi mayukunapash harkarishpa llakiman chayakun, chaymantami Estado de Emergencia paktayta kallarichina kan, kay llaktata pakta yanapanapak kullki illashkamata utkashpa llakta yanapayta chayachinami mutsurin, nin.
RSA/pv/cg-k
