Mamallakta Tantanakuyta pushak, Guadalupe Llori Abarca, tukuy kamachi kay 718 niki rimanakuyman awkarik 20 puncha, sitwa killa, 10h05 pacha tutamantapak kayachirka, kaypika Transporte Terrestre, Tránsito y Seguridad Vial kamachiy rurana killka mamakamachiywan mana paktarinchi nishka llankaywillaytami riksinkakuna, shinallatak llakta pushakta kay 2% manu kullkita microempresas llankay wasikuna mintalashkapi mañakushkata anchuchichunmi shuk yuyarinakushka killkawan mañankakuna.
Mamallakta Tantanakuyta pushakka kay punchapakllatak 16h00 chishipak kay 622 niki rimanakuyta katinapak kayachirka, kaypika Ley Orgánica Reformatoria a Diversas Leyes para Evitar Abusos de las Entidades del Sistema Financiero Nacional kamachiy rurana killkatami shuk niki rimanakuypi riksinkakuna.
Antawa purinamanta
Kay Desarrollo Económico Minkarishkapi kay Corte Constitucional tantanakuy Ley de Tránsito kamachiyka mamakamachiywan waktarikunmi nishpa Llakta pushak mañashka kutichishka killkatami riksinkakuna. Kay llankaywillaypika mamakamachiywan paktarishka 46, 56, 57 (b) shinallatak 169 niki killkakunata kay kamachiy mushukyachinapi hapichunmi mañan.
kay 2% manu kullki chayachinaman
Mario Ruiz kamachi killkak, paypak yuyarinakushka killkapi, Llakta pushaktami, paypak llankanapak mamakamachiy rikuchishkata katishpa manu kullkita wiñachinapak, mushukyachinapak, anchuchinapakpash kamachiykunata rurana ushayta katishpa Mamallakta Tantanakuyman, shuk kamachiy ruranapak shuk kamachiy ruranapak killkata chayachin, kaypika Capítulo II killkata Impuesto a la Renta del Régimen Impositivo para Microempresas manu kullkita anchuchichun, kay Ley De Régimen Tributario Interno kamachiy rikuchishkamanta, kay microempresa llankay pushakkunapakka manu kullki chayachinatami mirachishka, llankaypi kullki mirashka, chikanchishkatapash mana rikushpa, shinallatak pandemia unkuypipash kullki llankay ashayashka llaki
Shinallatak, Llakta pushaktapash yanapaykunata, manu kullki chayachina harkayta, wanachinata, manu kullkimanta wawakullkita mañanata karachun, shinallatak Servicio de Rentas Internas tantanakuyman kullki chayachinapipash microempresario llankay wasikunapak yanapay tiyanatami kay kamachi rurana killkapi churachun mañan, ashtawankarin pandemia unkuy llaki kallarishkamanta kullki yanapayta mana charikkunamanka, kayshina kay Régimen Tributario tantanakuypi wiñarina, uktachina, pakta paktakana hatun yuyaykunata paktankapakmi kayachin.
Kullkillankay wasikuna wakllichishka
Kay Régimen Económico Minkarishka, ñawpa pushaypika, Ley Orgánica Reformatoria a Diversas Leyes para Evitar Abusos de las Entidades del Sistema Financiero Nacional kamachiy ruranapak killkamanta llankaywillayta shuk niki rimanakuypak chayachin.
Kay kamachiywanka llakichiykunata, mana paktanata wakinpika manchanayak ruraykunata, mapa kullki chashkinata shinallatak llakichinapak kullki chayachinashinata harkapak, anchuchinapakmi yanapanka. Kay yuyaykuna ukupi, kaypi kimirishka ayllukunapak shutikunata, willaykunatapash ukllana, shinallatak llakta kawsanapak kikin willaykunatapash chariranayanapak mañan.
Kaypika kimirishka aylluykunapak, tantanakuykunapak shutikunata, kikin willaykunata mana riksichina kakpipash chayachishka kakpimi rikuranka. Kay kamachiypika llaktapak kullkiwasikunapi kimirishka ayllukunapak, tantanakuykunapak shutikunata pakalla chayachishkakpi, llakichishkakpi, hayñikunata wakllichishkakpipash taripanpaka, wanachinkapakpashmi rikuranka.
Kay kamachiywanka taripak chaparak tantanakuykuna paktanatami sinchiyachin, katik kamachiy paktarikushkatami hatun kamachiyman yallichin, Ecuador llaktayukta llaktapi kullki wasikuna kimirishka ayllukunata yallitak kullkita mañayta harkanapak.
JLVN/pv/cg-k
