Mamallakta Tantanakuyta pushak, Guadalupe Llori Abarca, kay Secretaría de Educación, Superior, Ciencia, Tecnología e Innovación (Senescyt) tantanakuyta pushak Alejandro Rivadeneira runawan rimanakurka. Hatun yuyaypika AntiSuyu llaktapi Sumak Yachana Wasita, ashtawankarin Orellana markapi wiñachinamantami rimanakurka.
Senecyt tantanakuyka llakta pushakwan, Mamallakta tantanakuyta pushakwanpashmi kay ruraykunapi llankakun, Antisuyu llaktayuk shuyakunmi, ashalla pachakunapi wiñachichunmi shuyakunchik, kashnami llaktapak llankay wasi pushakka nirka. Ashtawanpash, kay Secretaría Técnica Amazónica wankurimanta chayachiska kullkiwanka 40% ruraykunami mirashka. "Kay 29 puncha sitwa killami Senescyt tantanakuy kallaripi rurashka yachaykuna paktashkata riksichinka", nirkami.
Shinallatak, kay Instituto de Joya de los Sachas yachana wasipika ñami Consejo de Educación Superior tantanakuy arinishka yachaykuna kallarirka ninmi. Kutinpash nirkami kay yachaykunaka llaktakunapi kikin mutsushkata rikushpa paktarishkami kan, nirkami.
Kay Instituto yachana wasika tecnología paktanapak kimsa yachaytami charin, kaykunaka punkara llankaypi yanapak, yachachik kanapak yachaykunatami charin.
Antisuyu llaktapi yachana wasikunamantaka nirkami, yachayta taripakukwan tukuy riksishkata pakalla charinapakmi yuyarirkanchik kay willayka Senescyt tantanakuypak makipi manarak kanchu, nirkami.
SV/pv/cg-k