Kay Consejo de Administración Legislativa (CAL) wankuri, Guadalupe Llori Abarca pushakushka, Recinto Ferial de Francisco de Orellana kuskapimi, kullka 29 puncha sitwa killa, tukuy kamachi killkakunawan, Plan de Evaluación de la Ley Orgánica para la Planificación Integral de la Circunscripción Territorial Amazónica killkata arinirkakuna, kaywanmi llankaykuna tukuy paktashka mana paktashkatapash yachay ushanka..
Kay CAL yuyarinakushka killkawanka Biodiversidad y Recursos Naturales minkarishkami kay hatun kamachiy paktashkata taripanka, shinallatak Unidad de Técnica Legislativa (UTL) wankuripash yachachinka, katirankapashmi.
Guadalupe Llori Abarca, kamachi killkakmi kay Plan de Evaluación de la Ley Amazónica killkata chayachirka, shinallatak kay Ley Orgánica kamachiymi shuk nikipi llankay paktashkata riksinapak taripayman yaykun. "shinami kamachiy paktarishka mana paktarishkata; Punkara mintalashkamanta Antisuyu llaktaman paktana kullki chayashkata; kay suyu llakta kari warmi ayllukunapak llankay wiñarishkata; kay Mamallakta kuskapipash Sumay Yachay Wasi wiñachina paktakushkatapash riksinata mashkakunchik", nirkami
Kamachi ruranapak killkakunata arinishka
Shinallatak, CAL wankuri, kanchis kamachi killkakkunawanmi, kay Ley para la Planificación Integral de la Circunscripción Territorial Amazónica kamachiy mushukyachina killkata riksinapak arinirkakuna, mañaytaka Guadalupe Llori Abarca kamachi killkakmi chayachirka, kay kamachiywanka llaktapi pakta pakta yanapay chayanata, warmikunapash ashtawan llankayman yaykunata, shinallatak, ashtawankarin Antisuyu llaktapak runa warmikunata ashtawan llankayman kimichichun yanapanatami mashkakun.
Kay mañayka Antisuyu llaktapi kullkillankay yanapayman runa ayllu llaktakunatapash kimirichunmi mashkakuna, shinallatak kay Antisuyu llaktapi pachamamata charishpa katinapak, tukuyshina kawsayta, chinkarinalla kawsaytapash ukllankapakmi yanapank; ashtawanka Suyu llakta wiñarinapak kullkita pakta chayachinmi rikuranka, kayshinami Antisuyu llaktapi 15 watayuk runakunamanta 49 watayuk runakunakama killkana mana yachakkunatapash ashayachinapakmi mashkakun.
Shinallatak, Mamallakta Tantanakuypak hatun wankuriyka Ley para la Planificación Integral de la Circunscripción Territorial Amazónica kamachiy, Código de Trabajo kamachiy, Ley de Compañías kamachiy mushukyachinapak killkakunatami arinirka, kay mañaytaka Elías Jachero kamachi killkakmi chayachirka, kay mushukyachishka kamachiykunaka antisuyu llaktapi charishka llukshichina llankaywan llakichiykunata ashayachinkapak, pachamamata mana wakllichinkapakmi rikuranka, ninmi.
Kay ishkay kamachiy mushukyachina killkataka Biodiversidad y Recursos Naturales Minkarishkaman chayachiska kanka, kaypimi rikushpa allichichun chayachinka, shinami Ley Orgánica de la Función Legislativa kamachiyka rikuchun.
EG/pv/cg-k
Ashtawan shuyukuna:
