Mamallakta Tantanakuyta pushak, Guadalupe Llori Abarca, willachikkunawan rimashpaka nirkami, Fiscalización y Control Político Minkarishkatami, ishkay puncha ukupi, shuk llankaywillay killkapi Pablo Celi, excontralor subrogante runata ñawinchiypi tukuy kamachi killkakkuna yuyashkata shinallatak rimanakuykunapi riksishkata killkashpa chayachichun mañashkani, kay llankaywillayta riksichinapak pachakunami puchukarka shinallatak chayachinapak pachakunata mirachichun mañashkapash karupimi kan, nirkami.
Mamallakta Tantakuypi wankurishka llaktaykunata pushakkuna chaypi kashkata yupaychashpa, Guadalupe Llori, kay 26 puncha sitwa killa 2021 watami extracontralorPablo Celi runata ñawinchiypi rikuchiykuna, chimpapuray killkakunata tantachishpa riksichina pachakuna puchukarkami. Kay punchamanta wichimanka, Minkarishkami pichka punchakuna ukupi Mamallakta Tantanakuypi riksinapak shuk killkapi yuyaykunata chayachina kan, nirkami.
Kay Ley Orgánica de la Función Legislativa kamachiypak 82 niki killkapika, chayachinapak pachakunaka 31 puncha sitwa killa 2021 watami puchukarka. Kay killkanikipillatak kimirishpa, Fiscalización y Control Político Minkarishkata pushak, Fernando Villavicencio, -chayachinapak pachakuna kanchaman- 2 puncha karwa killa, 00h44 am, llankaywillayta chayachinapak pachakunata mirachichun mañayta chayachirka, nishkami yuyachin.
Kamachiy Awllita pushakka kamachiy rikuchishkata mana paktashkamanta, Mamallakta Tantanakuyta pushakka pachakuna mirachinapak mañashkata mana arininapak yuyarirka, kay Función Legislativa kamachiy rikuchishkawan waktarikushkamanta. Chaymantami, kamachiykunata katishpa paktarinaka, Minkarishkata pushakmi ishkay punchakuna ukupi Mamallakta Tantanakuyta pushakman, Minkarishkapi llankak kamachiy killkakkuna yuyashkata shukllanchishka riksichina kan, Mamallakta Tantanakuypi tukuy kamachi killkakkuna kay jucio político ñawinchiyta yuyaypaktarichun, nirakmi.
Kay tukuy riksichishkamantami, Mamallakta Tantanakuyka, excontralor Pablo Celi runata jucio político ñawinchinataka mana kunkarinkapak tukuy llaktayukpak ñawpakpi sumaychayta arinishkanchik. Fiscalización Minkarishkata pushak, Fernando Villavicencio kamachi killkak kunkayllankashkata rikushpapish, Mamallakta Tantanakuypi tukuy kamachi killkakkunami, Juan Cristóbal Lloret kamachi killkak huchachishkata katishpa yuyaypaktarina kan, nirkami.
Llakichiyta mana kunkashunchu
Shinallatak, Rafael Lucero kamachi killkak, Pachakutik wankurita pushakka, kay mushuk Mamallakta Tantanakuyka excontralor, Pablo Celi runata ñawinchiyta mana kunkashunchu, "Kamachi killkakkuna shinaka tukuy pakta katinatami rikurashun, mamakamachiy, kamachiykunapash rikuchishkawanmi llankashun" nirkami.
Kamachiy rikuchishka
Chaykamaka, Alejandro Jaramillo, Izquierda Democrática wankurimanta kamachi killkakka, Fiscalización minkarishkata pushak kay llaki llankaypi urmashkamantapash, Pablo Celi runata juicio político ñawinchikuy ama wakllirichunka kamachiykunata rikukpika Minkarishkapi llankak kamachi killkakkuna willashkapi kimirishpa, Mamallakta Tantanakuymi ñawinchiypi taripay katichun mana katichunpash arinina kan, nirkami.
Ñawiriñata mana manchanchikchu
Juan Fernando Flores kamachi killkak, Bancada Acuerdo Nacional (BAN) wankurimanta ninmi, kaypika rikuchishka pachakunapimi mana paktarishka shinallatak Mamallakta Tantanakuypimi tukuy kamachi killkakkuna Fiscalización Minkarishkapi llankak kamachi killkakkuna yuyashkata riksina kan, chay kipami yuyaypaktarinapash kan. "Taripana paktanata harkashka nishpa ama rikurichun, ashtawankarin ñukanchik wankurimantaka ñawinchiy katichunmi mañashun, Ñawirinata mana manchanchikchu", nirkami.
Allichina kakpipash allichishunmi
Shinallatak, Ana Belén Cordero, Fiscalización Minkarishkata kipa pushakka, kay minkarishkapika pakta paktami llankashkanchik kay excontralor subrogante, Pablo Celi runata wañinchiynapi rikuchishkakunata riksinapakka inti punchamanta inti punchakama, 08h00 pachamanta, 20h00 pachakamami llankarkanchik, tukuy riksichishkata chaskishpa, shinapash Minkarishkapak kamachi killkakmantami shuk llakipi urmashka, shinallatak ima allichina kakpipash allichishunmi, nirkami.
EG/pv/cg-k
Ashtawan shuyukuna
