Mamallakta tantanakuypak ishkay niki rimaynakuypi uyachishpa kay reformas al Código Civil kamachiy allita pacha yanapachun hapinkuna, tinkirishpa kay mamakucha allpa ukupi tiyakkunata alli llankaypi yallichun Convemar arinishpa sitarkakunami, mashnalla kay rimanakuykunapi sumakyachishpa kay mamallakta kamachiyta sinchiyachinaman tantalla shuktak mamallakta kamachikunawan.
Kamachiy killkak Jhajaira Urresta, llankay rurashka wanayta katik kay minkarishka paktakay mamallakta kamayta, hatun mutsurikunapi rikushpa allichikunata ruranaman Código Civil kamachiy Ecuador mamallaktapak sumak llankay paktachun allimi kan nishpa rimarin, mamakucha allpa ukupi tiyak achiklla llankaypi rikurichunka mutsurikunatami hapishpa kamachipi churana shuktak mamallaktakunawan ima llankaykunapi allichishpa shinallatak shuktak Ecuador mamallaktami llakipi kawsak mashikunapi rikushpa.
Kay Código Civil kamachiy chayshina mamakuchapi tukuy tiyashkakunapi rikushpa llankak, allichirinkami pichka kutin chay paktachikuna chayanka mashnalla Ecuador mamallakta llankaypi kawsak mashikunaman.
Chimpapuranakuy
Kay allichikunamanta rimaypi tiyarkakunami pusak rimakkuna, ashtawan shuktak yachaywankunatapash churarka, chaykunami kan chay Ecuador mamakuchapi llankakkunapak kamachipi allichishpa churashka tiyachun. Chaymanta kashna rikukkunapi alli killkaypi churashka tiyachunka allimi saywakunata kay mamallakta ukupi rikushpa allichina.
Shuk nikipi, imakuna mana alli yallikushka kay Convemar, chaypimi kan hatun chalwakunata yawantisuyu yaku manyakunapi yallichik tiyashka nin, chay mana alli llankaykunami llakichishpa shamun Ecuador chalwakunapi llankakkunata.
Maykunata yallinamanta Convemar riksinakunami, achiklla llankaykuna paktachun Ecuador mamallaktapak, yakumamakuchapi tiyashkakunata alli mirachikuna paktaymanta. Shinapash, maykunata llankaykuna imashina paktalla yakumamakucha ukupi tiyakkunata llankaykunapi yallishpa paktachikushkamanta riksichichun nishpa nin.
Tukushkamanta allichiy
Allichinkunami tukuy mamakucha allpa ukupi tiyak Ecuador mamallaktapa tiyashkata rikushpa, chaymi kan may samarikunapi kashkamanta allpa ukuman yallishpa tukuy imakuna muyuntita rikushpa, shinashpaka ishkay patsak llakta yalli millas tupukunata rikush katishpami paktachin.
Kamachiy allichishkakunawan Ecuador mamallaktapakmi kanka, kay mushuk waytakunata tantachishpa kay mamakuchakunawan, hatun kuchakunawan, mayukunawan tukuykunapak kakta rikushpa mamallakta awkiyaykunapi paktalla hawapacha suyupi yallichishka rikurichun.
Shinallatak, kay kamachiy alli llankaykunatami paktachikunapi rikuchin, mamakuchakunapi imakuna kawsashkata achiklla katuykunapi mirachishpa, chay hatun patsak pusak chunka millas yalli muyuntikunapi katishpa mamakucha ukupi tiyashkakunata llukchishpa, chaskishpa wakichishpa kamachiykamaykunawan pachamamapi tiyakkunata achiklla pacha rurayta karana, ashtawan kawsak shinallatak wañushka yaku kucha ukupi tiyakkunata, shuktak llankaykunapipash alli paktashka kachun katuy llaktakuna wichiman wiñashpa katichun, chaymanta kay yuyaymi hayñikunapi alli llankayta paktachishka sakirichun amalla ima llakikunatapash punchanti punchanti rikurichun chay llankaykunapi.
Kay kamachiy allichikunami charin chusku nikikunata mushukyachinapak kay 606, 609, 610 y 613 Código Civil nikikunapi ashtawan tantachishpa mamakucha (Convemar) hayñikunata sinchiyachinaman.
EG/pv/gu-k
