Mamallakta Tantanakuyta pushak, Guadalupe Llori Abarca mañashkamanta, shinallatak Ley Orgánica de la Función Legislativa kamachiy rikuchishkata paktashpami, kullka 12 puncha karwa killa, cárcel 4 wichkana wasipi, excontralor subrogante, Pablo Celi de la Torre runamana, kay juicio político ñawinchiy kallarishkata riksichirka, kashnami Mamallakta Tantanakuypak rimanakuypi yuyarinakushka killkata paktachinkuna, kayshina paktarinamanta Fiscalización y Control Político Minkarishkapi llankak kamachi killkamanta 134 kamachi killkakkunapura sinchiyta rimanakushpa yuyaypaktarishka kipami paktarirkakuna.
Kay Ley Orgánica de la Función Legislativa kamachiypak 83 niki, 3 yupay, kimsa millka killkapika, juicio político ñawinchiyman kayachinataka llaktapak llankay wasi pushakman chayashpa, zirma willachik antakunapipashmi, Mamallakta Tantanakuypak rimanakuy kallarinapak sukta chunka ishkay sayllakuna ñawpami riksichina kan, ninmi.
Kay juicio político rimanakuyka shamuk awaki 16 puncha karwa killa, 08h30 pachamanta paktarinka, Mamallakta Tantanakuyta pushak kayachishkata paktachishpa.
Katikuy
Kay Ley Orgánica de la Función Legislativa kamachiypak 84 niki killkapi rikuchishkata katishpa, llankanapak puncha, sayllikuna churashka ukupimi kari warmi kamachi killkakkuna ishkay saylla ukupi taripayta katiy ushanka, kay taripaytaka tukuy rikuchishkata riksishpa, ñawinchina pachakuna ukupimi paktanka.
Katipika, políticamante huchachishka llaktapak llankaywasita ñawpa pushak runami, kimsa sayllikuna ukupi, mitsarinapak tukuy rikuchiykunata Mamallakta Tantanakuyman payta huchachishkamanta achikyachinka, chimpapuranapakka tukuy achikyachik killkakunatami riksichinka.
Kipaka, huchachik, huchachishka runapashmi shuk saylla ukupi kutinpash rimari ushanka. Pablo Celi runa rimayta puchukashka kipami, Mamallakta Tantanakuyta pushak, Guadalupe Llori, tukuy kamachi killkakkuna rimarikchun pashkanka, kaypimi tukuy kari warmi kamachi killkakkuna chunka chiniku ukupi rimarinkakuna, mana kutinka rimayta ushankachu.
Kay juicio político ñawinchiyka rimanakuypi chayachishka llaktaywañachiyta apushitashpami puchukanka
EG/pv/cg-k
Ashtawan shuyukuna:
