Gobiernos Autónomos minkarishka, llankaywillay killkaykunata rurashpa inshkay niki tantanakuypak, ñawpak yuyay Vivienda de Interés Social kamachiy llankaypi katinmi. Chaypak mushuk rikuchiykunata shuktak tantanakuykunapak rimaykunata uyashpa chaskin. Kullka puncha mamallakta tantanakuypi yachayyukkuna producción social del hábitat y mejoramiento barrial kamachi rurana killkamanta yuyaykunata riksichirkakuna.
Rubén Paredes, Contrato Social por la Vivienda tantarimanta, llaktay kakkunapi kapuchiy kawsana wasi ruraykunata sinchiyachinami kan nirka. Kamachiy tukuy tantanakuykunata ima mutsurikunapi makichuranapak, wichiman achiklla llankayta paktachinapak, ruranapaklla kikinyay llankayta wiñachishpa, shuktak yuyaykunata, riksishpa, purichishpa, sinchiyachishpa wasi rurayta kapuchiyshpami paktachikuna yallina, tukuy kitikunapi shinallatak ayllullaktakunapipash ruranami kan nirka.
Chaymanta, ñawpak yuyay paktachikunapi churashka yallichun allpa mañaymashkay llankayta churachun, allpa wasi katuy rukuy paktachiy, mushuk rikuchi wiñachikuna, hayllipi killkak shinapash kapuk tukuy pachakunapi rikushpa tinkirishka llankakwasi yanapachun pankakunawan katuypi chayshina yanapaykunapi paktalla apachun rimarirka.
Chaymanta, tukuy ishkay niki tantanakuykunata chikan chikan iñukunapi ashtawan yaykunakuy, llankayñan, shayachi, mañaymashkay, rikuy, kamachikamaykunapi munakkunawan shinapash shuktak wakimanta runakunwan wiñachinami nirka.
Hatun tantanakuykuna achiklla ruray paktachita charichun tiksimanta llankaypi rikuchina, kamachiy killkaykunapi alli paktachishka churakpimi ima mutsurikuna tiyashkapi, kullkiyachik shinapash kamachiy tantanakuykunapak kapuchiyta rikushpa alli kutichi tiyanka nirka.
Shukmanta, Luis Gallegos, kawsana wasi rikush yanapak, kashna rikushpa llankaykunata rurayk, rikuchiy may ayllullakta pampapi kawsana wasita rurashpa kawsanamanta kamachiy killkaypi pakta yallichun nishpa mañanmi, maypika kawsaypachawan aylluyarishka imapash mana unkuchishka tiyana nirka. Chaymanta, tukuy yuyaykunata ashtawan satalliruray tantachishpa rakinami, llaktakunapak kawsay shuktak amawta kawsayta hapishpa kashna unkuywan kawsaymanta shukchinalla mushuk rikuchiy kawsayta wakiyshpa tiyachun chaskikkuna nirka.
Gallegos mashiman, satalliruray shinapash shuktak mawka hayllikuna ashpa panpawan ayllukunapak pacharikuy tinkishpa shuktak kawsayta charina nirka, chaypi kawsakkuna paykunapak munashkata ruraypi shinapash kullki tantachina shukmanta tukuy mamallakta kamay wasikunamanta yanapaywan sinchiyachinami nirka.
Paypak manyamanta, José Barreto, Federación Nacional de Cooperativas de Vivienda del Ecuador tantanakuyta pushak, Lenin Moreno Ecuador Mamallakta ñawpa pushak Decreto Ejecutivo 1113, pankata aspishpa sakirka, wakllichin tantanakuykunata, wasikamak wankuriypak economía popular y solidaria llankaykunata ushashkata mañan anchuchishpa sakichun.
Celestino Chumpi, Gobiernos Autónomos minkarishkapak pushak, mamakamachik runakunata yanapak hañimi nirka, chaymanta Asociación de Municipalidades del Ecuador (AME) tantanakuyta pushakkunata ñawinchikuna tiyachun nishpa kayan, paykunapak ñawpak yuyaykunata uyankapak minkarishka tantanakuyman nirka, yuyayta tukuy pushakkunaman riksichishka kipa tukuykunami yanaparka.
GU/pv/gu-k
