Tukuy arinishpa, Mamallakta Tantanakuy, Pablo Celi, ñawpa kullki imarurashkata rikuriyak mana alli llankayta rurashkamanta llaktaywanachishpa sakirka.

Martes, 17 de agosto del 2021 - 00:18 Imprimir Elaborado por: Sala de prensa
Por unanimidad, Asamblea censuró al excontralor Pablo Celi por incumplimiento de funciones

Mamallakta Tantanakuypak hunta tantanakuy, tukuykuna arinishpa, Pablo Celi de la Torre, Mamallakta Llankayta Ñawpa Rikuk, llaki llankaykunata rikuchishkamanta, pakpak llankayta apakushka watakunapi, Mamakamachik allichikunapi rikushpa kay patsak kimsa chunka shuk nikipi, tantachishpa Kamachiy Awlli kanchis chunka pusak shinallatak pusak chunka pichka nikikunapi killkakatishpa yuyayta paktarka.        

Kay sukta ima rikunchikunapi katishpa juicio político ñawinchita rurarka: Celi kullki imarurashkata rikuriyak mana alli paktaykunata rurashpa yaykushkapi; urmayachi Odebrecht rikuy katikunapi mana paktachishka; Daniel Salcedo runapak llankakwasiwan llankayyuyari willay mitachipi mana alli paktachishka; llankaypaktachi akllaypi llakichishka; llaktapushak akllanata rikuypi yallishka, shinallatak kay proceso penal llakikunapi rikushpa chayshina shuwayunapi apashpa llankayta rurashmanta nirka.    

Chimpapura katikunapi chunka pusak kamachiy killkakkunami rimarirka, Celi runapak tukuy rimarikkunapak yuyaypi mana paktachi llankaykuna sakirin nirkakuna, paypak debido proceso katikunapi sumaycharkami hayñi harkakkunapi nishpa rikuchirkakuna.     

Shinapash, Pablo Celi runata nirkami, Mamallakta Llankay ukumanta kay Odebrecht llankakwasita mana wanachirkachu, tukuy llakikuna rikurimushpa katikpipash.     

Rimaykunapi kamachiy killkakkuna kay Mamallakta Tantanakuy mana shinalla wakllichiyta katichun sakinachu kaymanta wichiman tukuy pushakkunapak llankaykunata mamakamachik shinallatak shuktak kamachiypi rikushpa paktachichun. “Ña mana kay mamallakta kamay wasikunapi llankakuna tukuykunapak kullkita llakichinkachu ima llankayta manyaman churashpa, Mamallakta Llankaypi rikushpami tukuy mamallaktapak kullkita rikuna kan”, willarka.      

Kamachiy Killkakkuna paykunapak rimaypi Mamallakta Tantanakuypakmi ñawinchina kapakkamay mishanakuyta rurana nishpami kishpichirka. Chaymanta kay tukuy ruraykunata paktachishpa rikuchitaka mamakamachikpi ashtawan Kamachiy Awllikunapi rikushpami apashka kan. Chaymanta, mushuk Mamallakta Tantanakuypakmi llankaykatiy ruraykuna kan nishpa rimarka.

Llankay kamachiy wasiman kay sinchiyuyari pankata paktachishka kanka, kay ñawpa llankakpak shuktita killkachun llaktaywanachiy shinapash ama ima llankayta ruray ushachun tukuylla hatunkuska wasikunapi ishkay watakunata maypika Kamachiy Awlli paktalla willachin.

Juicio político ñawinchi killkashka pankata Mamallakta hatun rikurayakkunaman chayachinka, maypika paykunapak mishnakuy llankaypi rikushpa llaki taripaykunapi rikushpa ruranchun. Shinapash tukuy kamay wasikunaman yallichinapash nirka, mamallakta llankayta rikuk wasiman, llaktayuk chaypikachun rikurayak tantanakuy, tukuy pushakkunapak kamachik mishanakuy llankaypi taripaykunata katichun.        

Mamallakta Tantanakuypak hunta rimanakuypi sinchiyuyari pankata ñawpa llankak llaktaywanachiy runata kamachikpi rikushpa willayta chayachinka, chayshinaya pankata yallichinka kamachiy kipuk wasiman killkarikuchinapak.

JLVN/pv/gu-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador