Mamallakta Tantanakuypak hatun tantanakuy, Luis Alberto Fernández shinapash Medardo Oleas Rodríguez rurakunata akllarkakuna, paykunapak rantichakukkunawan minkashrishka chanipi tantarishpa Mamakamachiy Rikukwasipi llankak Kamak Runakunata mushukyachinapak.
Mamakamachik killkaypi chusku patsak kimsa chunka ishkay 432 nikipi paktachin, Mamakamachiy Rikukwasi Kamak runakuna iskun watakunatami llankankakuna, kay allichikunataka kimsa watakunapi mushukyachishpa sakina. Kunan Mamakamachiy, yallishka pichka puncha, panchi killa, 2019 watapi tantachirka, chaymanta pichka puncha, panchi killa shamuk watapi mushuk akllaykuna kallarinka.
Chay yuyaypi, Garantías Jurisdiccionales y Control Constitucional kamachiypi rikuchin, 179 niki killkapi alli paktachikuna tiyachun riksichin, mushuk pushakkunata chanishpa shinallatak akllanapa sakinapak, Kamachiy Awllikuna minkarishka akllak tantanakuyman ishkay runakuna wankurinka, ishkay runakuna Mamallakta kamay ukumanta, chayshina ishkay rurakuna Achiklla Runata Rikurayak Tantanakuymanta, tukuylla wankurishpa mushuk yachinapak katinka.
Akllashka washamanta, pichka punchapi Achiklla Runata Rikurayak Tantanakuymanta mushuk akllashka runakunata llankaypi kallarichun churashpa sakinkami, maypika kamak runakunata rikushpa uktalla akllayta rurachun.
KC/pv/gu-k
