Kay Consejo de Administración Legislativa (CAL) tantanakuy, chayamuk 6 kamachi killkakkuna arinishkawanmi, Rosa Elizabeth Cerda Cerda kamachi killkakta, pusak puncha llankaykullkita anchuchishpa wanachinata yuyaypaktarirkakuna, kayshina yuyarimanka Eitel Zambrano kamachi killkak huchachishkawan mana alli llankayta paktashka nishpa ñawinchiypi rikuchishkawanmi yuyaypaktarikakuna.
Kay 016 niki rimanakuypimi, Eitel Zambrano kamachi killkak ñawinchichun mañashkamanta yuyaypaktarishka killkata riksichirka, kay ñawinchiyka mamakamachiy, kamachiykuna, uchilla kamachiykunapash rikuchishkata katishpami paktarka, Rosa Cerda warmipash mitsarinapak hayñipi tukuy rikuchiyta chayachichun, shinallatak tukuy katin katin mañanata katishpa, Mamakamachiy, Ley Orgánica de la Función Legislativa, Código Orgánico Adminisgtrativo, shinallatak Reglamento para el Trámite de las Faltas Administrativas kamachiykunapi kamachi killkakuna imalla wakllirikuna rikurikpi ñawinchinkapak, wanachinkapakpash rikuchishkata katishpa.
Kay yuyaypaktarishka killkapika, Rosa Cerda kamachi killkakka kay Ley Orgánica de la Función Legislativa kamachiypak 1 yupay 169 niki killkapi llankay paktana rikuchishkatami wakllichishka nin, kaypika imashina kawsay paktarinatami kay 17 puncha, sitwa killa 2021 wata rimarishkawanka wakllichishka, chaymantami kay Reglamento para el Trámite de las Faltas uchilla kamachiypak 7 killka, a) niki killkata paktachina urmarka, ninmi.
Shinaka, Mamallakta Tantanakuypak llankay uku pushakkunawan (killkakamayuk, llankay pushakkuna, shinallatak Talento Humano, Financiero pushakkuna), Rosa Cerda kamachi killkakpak llankashkamanta killakullki hapinata wanachinapak rikuchishka punchakuna ukupi harkachichun rikuchin. Killkakamayuk ukumi kay yuyarinakushka killkatakata riksichinka.
JLVN/pv/cg-k
