Carlos Sánchez shinapash Jinson Calderón, Líder Soberano kuyurimuy tantanakuyta pushak ashtawan Tukuy Antisuyu tantanakuyta pushak, unancha killkamanta, Guadalupe Llori Abarca kushiyarin, Mamallakta Tantanakuyta wichiman apakushkamanta nirka. Minkashka llankayta alli rikushpa paktachichun shuyan, chaymanta tukuy wakcha kunkashka runakunapi yanapakushkamanta yupaycharkakuna.
“Alli unanchashpa yuyarishkami kanchik, antisuyumanta shuk warmi kay tantanakuyta apakushkamanta, Guadalupe Llori paypak sinchi llankayta rikunchik, chay rikuchiwan, tukuy mañaymashkay kamachikunata kallari patsak punchakunapi arinishkakuna”.
Shinallatak, kay tantanakuypak punkukunata paskaypak arinishkamanta nirka, tukuypak hatun kuska mamallaktapak mañaymashkayta apashkamanta shinapash achiklla, maypika wiñachi pukuchikunapi chayshina maki ruraykunapi llankashkata willan.
Utkalla, Líder Soberano kuyurimuy tantanakuymanta, ashtawan antisuyu tantanakuykunawan minkashkakuna Mamallakta Tantanakuyta pushakman shuk unanchakillkata kurkakuna, tukuy Mamallakta markakunapak shutipi washamanta yanapayta chayachirka, shinapash shuktak tantanakuypak, makiruray, makachik, yunkaruna llakta, yanaruna llakta, kichwa runakunapak kimirishka tantanakuypak shutipi chayachirkakuna.
Paymanta, Mamallakta Tantanakuy pushak, Guadalupe Llori, chikan chikan tantanakuykunapak minkashka runakunata chayashkamanta yupaycharkakuna, tukuy runakunapak rikurayaykunawan mushuk wiñachi kamachikunata kawsaypak rurashkata washamanta yanapankuna. Kay mushuk Mamallakta Tantanakuy taktinmi alli ñankunata anchawaklliykunata makashpa, alli llankaypak wankurishpa, llankaykunata wiñachishpa kullki mirachinaman nirkakuna. Chaymanta, tukuy paypak llankaypi warmi kashkamanta wakcha runakunapak kawsaypi, ashtawan pakta pakta kishpiykay, paktalla, sumaychay kawsayta, runahayñita kishpichishpa shamushka nirka.
Shinapash, paypak llankaykunaka tukuy suyukunata wiñachishpa apanapakmi kan, Mamallakta Tantanakuy 2021-2022 wata llankayta, tukuy kamachi killkakkuna, tantanakuy minkarishkakuna, shinapash tukuykunawan tantarishpa mushuk yuyaykunata wiñachishkami nirka. “sukta chunka pusak ñawpak yuyay kamachikunata pichka maymutsurik iñukunanata paktachinkuna; kay tantanakuyka sinchita pachami llankashpa katin”, willan.
“Wiñay kawsaykunapi chikan chikan ayllullaktakunapi, shuktak llaktapi wakcha kawsakkunata mana kashna achiklla yanapaykuna tiyashkachu, kay Mamallakta Tantanakuywan paktallami allichirinka, tukuykunawanmi makashun kay pandemia unkuy llakimanta llukshishunmi shinapash wiñachishunmi shuk alli mamallaktata tukuy washa wiñakkunaman” Guadalupe Llori tukuchirka.
JLVN/pv/gu-k
