Kamachi killkak, Diego Esparza, Zamora Chinchipe markamanta minkashka, Emprendimiento para Fomentar el Consumo y Promoción de la Producción Local kamachi ñawpak yuyayta mushuk yachinapak chayachirka, wamrakunapak llankayta wiñachishpa chashnallatak mamallaktapi chuktak katuy rantikunata yanapanapak, wamrakunaman kullkita urilla mañachinaman ashtawanpash Antisuyu saywashkapi kawsakkunaman shinapash llaktapi kawsak runakunaman makichuranapak nirka.
Kay mushukyachiwan, kiti ukupi kamay wasikuna llaktakunapi pukuchishka murukunata, sapan sapan kiti kawsaykunapi rikushpa shuktak kachakikunata mushukyachishpa katuypak makichurankami. Shinapash kiti pushakkuna wankurishpa marka pushakkunawan hillaykunapi ima katunakuna charishkata willachishpa, katukkunata yanapanapak, riksichishpa ashtanwan katunapak murukunata shinallatak mitachi kuskakunapi rikushpa llankanapak nirkakuna.
Tukuripi, ñawpak yuyayta churak Mamallakta pushakta mañashka kay Junta de Regulación de Política y Regulación Monetaria y Financiera llankayta allichichun, kullki mitachikunapi achiklla llankayta rikuchun nirkakuna.
“Pushak Guillermo Lasso Mamallakta tantanakuypimi kanchik nirkakuna, paypak rimayta hapishpa mamallaktapi tukuy katuk rantikuna tiyashkapi tukuy kamachi killkakkunawan, mushuk yuyayta churashpa paktachinapak, tukuy runakunapak alli kawsay tiyachun kashna pandemia unkuykuna ashkata pacha wakchishkamanta”, willankuna.
KC/pv/gu-k
