Kullkimanta kamachiy minkarishka shinapash manukullki patachiy rikurayak No.16 tantanakuyta paktachirka, maypika tawka pushakkuna ashtawan chikan chikan tantanakuyman kimirishkakunata chaskirka, mamallaktapak tukuy milkapanka ñawpayuparik mita wanakuy chaskik 2021 watapak, shinapash ruraykatichiy ñawpayuparikkunata 2021-2024 watakunaman paktachinapak rimaykunawan katinkuna.
Rimaykunawan paktachinapak Guillermo Avellán, Ecuador Llaktapak Kullkikullka pushakta kayachirka, maypika Ministerio de Economía y Finanzas paktachin kay BCE llankakkunaman hatun kullkikunata rikuywan shinapash PIB kamay wasimanta 2021 watapak alli llankayta rurashpa kullkikunata mirachishpa katinkuna maypika 3,01% paktalla mirachikunawan ushanapak kanmi suktak mamallaktakunaman katunapak kachanapak punchanti punchanti kay yakuruk, challwa shinapash atún, shinapash mana punchanti paktaypi yallichikushka kiru, churanakuna, pankakuna shinapash rakukillkata katuykunaman kullki wiñachikunapak paktachishpa katinkuna.
Musikuk Marisol Andrade, SRI pushak, tantanakuypi kullki chaskikunata ushashkami hillaykunapi rikushpa ama wakllirikuna tiyachun, tukuy ñawpa kullki hapikunapi katishpa, series del PIB rikuykunapi ashtawan hatun kullkikuna paktachikunapak nirkakuna.
Carola Ríos, Servicio Nacional de Aduana del Ecuador pushak, tukuy awkik kapuk runa hampikunatami rantishpa apamushkakunaka, wiwakunaman karana mikunata chayamukushkata nirka, chanimaru kullki chaskipi yallinmi 0 illakmanta 5% chaskikama. Kallari kapukkunami antawakuna chayamun nirka, kay chanimaru churashkakullki 35 kullkimanta 40% kullkikama yallishkata willachinkuna. Shukmantapash kullkikunata katishpa chaskinapak churashkakullkikunata rantishkakunata 1.178 hunu dólares kullkikunata paktachinata willankuna.
Chishiman, Simón Cueva, Kullki Kamaywasiyuk chayarka, punchakuna manarak paktakpimi allichishpa Milkapanka Ñawpayuparik 2021 pankakunata yallichishkata willarkakuna. Chay pankakunapika achiklla llankaykunata rurashpa mamallakta kullkinata yapalla hapi ushanapak rikushka kan, shinapash Ecuador Mamalaktapi llankaykuna alli pacha mirachishpa mitachikullki wiñariy katinkuna.
Tawka kamachiy killkakkuna Régimen Económico tantanakuyman minkarishkakuna, kay chimpapuraykunapi kullki allichi rikuchikmanta allimi kashna llankaykunawan paktachinapak nirkakuna, chashna yuyaysapakunata churashpa llankaykunata mirashishpa katinapak nishpa rimankuna.
TC/pv/gu-k
