Soberanía Alimentaria minkarishka tantanakuypi, Ecuador Mamallakta uchilla shinapash chawpiyamuk wiwakamayuk tantanakuymanta minkarishkakuna, Mamallakta Tantanakuyta yanapaykuna tiyachun mañankuna, Acuerdos Ministeriales 177 y 394 kamachikunapi rikushpa churashka kachun mañankuna, chani ñuñukunata alli katuyta pakachichun llankayta sinchiyachinkuna.
Shinapash mamallakta pushak shuktak, llankaykunata rikushpa yanapaykunata kay hillaykunata mushukyachi shinapash shuktak mamallaktaman kachayman mikarishpa llankanapak nirkakuna, paykunapak kapuchik wasiwan, kapuk ñuñukunata pachamamaman, kashna llankaykunawan paktalla wichiman wiñachishpa katinapak nirkakuna.
Kallarinapak, minakarishka tantanakuyta pushak, Mariano Curicama, kay Integral Agropecuario kamachi ñawpak yuyaykunata pinllu llakta tantanakuykunapi mikarishkakunaman riksichishpa ushashkata willankuna, shuk pukpu pinllu katuypi ashka llakikuna tiyanmi nirkakuna.
Alfredo Villareal, Ecuador Mamallakta uchilla shinapash chawpiyamuk wiwakamayuk tantanakuymanta minkarishka, llaktamanta pinllu katuykuna ashka wakllirishkakunata riman shinapash kamachiy pankapi killkashka sakirin mana pipash paktachikunata ushankunachu nirkakuna. Shinapash, ishkay hunu llakta Ecuador runakuna chay tantanakuypi pinllu llankaykunawan punchanti punchanti kawsankuna, maypika 40 shinapash 50 pukpukunata punchapi ñuñukunata chaskishpa katushpa tiyakkuna kunanka sakirishka shinapash wakrakunatapash katushkakuna, wiwakunaman karankapakpish mana kullkikunata paktarkachun nirkakuna.
Jimmy Jaramillo, katuykunawan pakalla katushpa llakta pinllukunata wakllichinkuna nirka. “llakimi shuk pukpu ñuñu pukuchinapak maypika karakunaka ashka wichayashkami rikurin; shuyanmi ashalla kullki charishkata mana tukuchi ushanapak miksa hunu uchilla shinapash chawpiyamuk wiwakamaykuna ashtawan ñuñu pukuchikkuna llankaymanta llukshishpa sakirinkuna”, willankuna.
Paymanta, kamachi killkak Alexandra Arce, llakta pinllukunallami kay llakikunawan kawsan nirkakuna, maypika tukuy markakunapi tarpuykunata rurashpa llankakkunata, Chakrakamay wasiyuk, Tanlly Vera, mana allichikunata ushashka nirkakuna.
Shukmanta, kamachi killkak Lucía Placencia, kay llankaykunata alli rikushpa paktachishpa katichun, pakta paktami tukuypak kamay wasikunapi llankakkunata katirashun chakrakamayuk runakunaman yanapaykunata karachun nishpa willankuna.
Tantanakuyta tukuchinapak, Mariano Curicama, llankaykunata llaktakunaman minkarishka tantanakuywan paktachishkata willankuna, hunkay punchakunapi tantanakurka Quevedo, Posorja, Guayaquil shinapash shuktak kitikunapi llankaykunata paktachishpa katinata riksichirkakuna.
RSA/pv/gu-k
Más fotografías
