Llankayta paktachik Wilma Andrade, Desarrollo Económico minkarishka tantanakuy kipa pushak, kamachiy killkakkuna Mamallaktamanta rikushpa kutichishka Reactivación Económica kamachiy ñawpak yuyay Manabí ashtawan Esmeraldas markakunaman riksirayaykunata mañankuna. Shamuk 3 puncha kuski killa chunka pachapi, kallari llankaywillay pankakunata killkashkata hunta tantanakuypi rimankakuna shinapash apushitaywan paktachinkakuna.
Wilma Andrade, wankuri tantanakuypi mana arinishkata tukuy nikikunata manyaman churashkata, shamuk 5 puncha kuski killapi llankaywillayta chayachinapak sakinkakuna, chay puncha llankay hunta rimanakuypi ñawinchikunata paktachichun.
Kati rimaykunapi kay 138 niki Mamallakta kamachi shinapash 64 kamachiy awllikunapi paktalla willachin, Mamallakta Tantanakuy kimsa chunka punchakunata charin Mamallakta pushakmanta shuktak yuyaykunata chayashikata allichinapak.
Kamachi killkak César Rohon, kamachikkunapak yanapashpa llankakkunawan, minkarishka tantanakuykunawan wankurishpa mamallakta pushak shuktak yuyaykunata mana arinishpa kutichishkata allichishpa llankaywillaykunata alli pacha killkashpa tikrachishkata, kamachi killkakkuna hunta rimanakuypi achiklla yuyaykunata llukchinata rimankuna. Iskun apushitaykunawan minkarishka tantanakuy chay yuyaykunata hapirkakuna.
Kamachi killkakkuna Jhon Vinueza shinapash Carlos Zambrano, shuktak yuyaykunata Mamallakta kamay wasimanta tukuy kamachi killkayta anchuchichun nishkata willankuna, maypika shuktak kamay wasikuna paktachinata katichun Manabí ashtawan Esmeraldas markakuna wichiman llankaykunawan yallichun shuyankuna.
Chaymanta, Mamallakta Tantanakuypi tukuykuna arinishpa yanapashkata yuyarkakuna allipi rikushpa paktachinapak.
JLVN/pv/gu-k
