Mamallakta Tantanakuy pushak, Guadalupe Llori Abarca, kamachi killkak Juan Cristóbal Lloret, Karupi Kikinllatak Kamachik minkarishka kay ñawpak yuyay 047 kamachi mushukyachinapak chaskirka, kay Paute shinapash Agoyán zirma ushay wiñarishpa yallichinkunami kay 5% micha katushkata, shuyan kay 60% katushka kullkikunata chay llakta kiti ukupikamay wasikunaman tikrachichun shinapash 40% pakta pakta yallichishka tiyachun, chaymanta marka ukupikamay wasikunaman kitilli kamay wasikunamanpash yallichichun.
Lloret, mushuk yuyay, Karupi Kikinllatak Kamachikkuna chay sayway allpakunapak zirma ushay wiñarishka tiyakta mañaymashkaykunata paktachishpa sinchiyachinami nirka, tukuy llaktakunapi kawsakkuna mana ushashkakunata allichinapak, mutsuri allikachikuna tiyachun, pachamama killata allichinapak, pachamama wakllikunata musyanapak nirkakuna.
Tantanakuyta pushak, Guadalupe Llori, Mamallakta Tantanakuypak wasika punkuta paskashpa tukuy tantanakuy pushakkunata chaskin, shinapash kay kushimitapi Karupi Kikinllatak Kamachik kitikuna, kitillikuna, markakuna tantanakuypi uyachirka kay Makachi Killkakkunapak Pachapuriy llankayta paktachinapak maypika pushak shinapash kipapushakkuna minkarishka tantanakuymanta rimarirkakuna, kay hatun chimpapuraykunapi llankayta wankurishpa Ecuador makichuraykunapi paktalla yanapankuna nirkakuna.
Chaymanta, kay 40%, yallishka watakuna CREA ukuman yallichishpa katishkata nirka, kay kitilli kamaywasiman, kiti kamaywasikunaman tikrachichun maypika llakta allichikunapak mana achka kullkikunata charin, ashtawan kay sayway allpakunapi llakikunata tukuypak alli kawsayta maskashpa hatun alli llankaykunata chayachishpa alli kanka nirkakuna.
Paymanta, San Fernando kiti pushak chashnallatak Azuay Kiti Ukupi Kamay tantanakuy pushak, Claudio Loja, kay 047 kamachiy mushukyachishka hawa mushuk hillaykuna tiyankami llaktakunapi ima mutsurikuna mana paktachi ushashkata ñawpak yuyaykunawan llankanapak nirka. Kay pachakuna, rikunchikmi ashka wakllikunata mana achkalla kullkikunata charishkamanta maypika kamachipi achikllatami willan, chaymanta kiti ukupi uchilla kamay wasikuna mana tukuy llakta allichikunata ruray ushankuna. Rikuchiy churashkata utka llankaypi paktachichun mañankuna.
Paymanta Rolando Calle, Sevilla de Oro kiti pushak, tukuy llakta wiñariykunapak yanapachun mañankuna, maypika kay kiti mamallaktapak sinchi llankayta rikuchin, yakuzirma kapukkunata chaskinkuna nishpami mañan.
Janeth Garzón, Conagopare Azuay pushak; Rigoberto Borja, El Pan y Mary Brito kiti pushak, Girón kiti pushak, Mamallakta Tantanakuy pushak tukuy chimpapuraykunapi tukuy iñukunata riksichinapak ashtawan llaktakunapi mutsurikuna tiyashkata rikuchinapak. Kamachi killkak Juan Cristóbal Lloret, churashka mushuk ñawpak yuyayta yanapanchikmi nirkakuna.
Kamachiy killkak Comps Córdova, kay kullkikunata Antisuyumanta Sucumbios, Orellana shinapash Napo markakunapash chaski ushanami; maypika Blasco Luna, Consuelo Vega shukmantapash Rosa Mayorga kamachiy killkakkuna, 047 kamachiy mushukyachinapak arinishpa makichuranata nirkakuna, mamallakta tukuypi llaktakuna allichishpa wiñarikuna paktashpa katinka.
JLVN/pv/gu-k
Más fotografías:
