Llankaykatiy Minkarishka tantankuypi, kimsa pachakunata, Runapak Kamak, Freddy Carrión, juicio político ñawinchikuna paypak shuktipi wiñarishpa katimukpi paypak hayñipi katishpa kishpichirka. Chaypi, 15 puncha aymuray killa, Mauro Falconí, ñawpak Hampi Kamaywasiyuk wasipi kay llakikuna paktashkamanta Lenín Moreno Mamallakta pushakpak makipi hayñikunata llakichikpi huchachishkamanta shinapash llankaypi anchawakllikunamanta piñarishpa kay llakichikunapi churan nishpa kutichirka.
Carrión llankayta kichuna raykumi tukuy llaki umachikunata rurashka nirka, kay llakichiy yumaypi hatun huchachikunata churashpa, chayka mana tiyarkachu nirka. Llankaypi llakita paktachishpa tiyashkamanta nishpaka mana huchachikunata paktachinapak tiyanchu nirkakuna.
Tukuy kamachikunapi paktalla katishpa shinapash kamaykunata surkushpa, Shuyu shinapash shuyurikuchiktapash Carrión chayachirka. Kay llakichiy yumaypi huchachikuna kanmi shuyurikuchikunata 16 puncha aymuray killapi shuktak hayllikunapi killkashpa rikuchirkakuna, maypika millchishka, pitishka, shuktak yuyata churashka shinapash mana uyayta churashka, kay linchamiento mediático paypak shutipi ruranapak chayashka, nirkakuna.
“Mauro Falconí paypak wasiman kashka chayarkani, Tukuylla Ukllak wasiyukpak shutipi, Lenín Moreno mamallakta pushakuk wata llankaypi anchawaklliykunata rurashpa shamushkamanta willaykunatami tikrachinapak kayashka yuyarkani nirka, chaymanta shuk antawa shinapash chapak runata ukllaypak hapirkani. Chay kipaman ñuka wasiman shukpaklla watawapi tikramurkani”, manarak kayayta iñishpa arinishka hawa kay rimaykunata riksichirka, maypika muspayachishpa sakishka nirka.
Shuyurikuchikunata tukuy hillaykunapi churashkata riman “makashpa llakichik warmitaka mana ñukachu kani, achka tankaykuna tikarka, llakichiy millayta mana rikuchinchu, llakichishka warmita paypak hatunukuman yaykuy ushachun harkayta rurarkani”. Chaymanta, kay tukuy rimaykuna chunka pichka kutichikunapi, shuktak runakuanapak makipi makashka kan nirkakuna.
Lesa humanidad nishka huchachikunata, Lenín Moreno Mamallakta ñawpa pushakkapak shutipi churashkata rikuykunapi katikushkamanta, pay shinallatak ayllukunapash manchachikunata chashkishka nirka, chaykunamanta Sistema Nacional Ukllay shinapash llakichishkakuna chayak, rikukkuna shinapash shuktak aynikkuna Proceso Penal rikuypi yaykuchichun mañankuna.
Freddy Carrión nima pacha toque de queda churashka tutapi wakllichi tiyashkachu kan, tukuypak hillaytapash mana llakichi tiyashkachu. “shuktak llakichikunatami wañachishka Runapak Kamak llankay apakushkata sakichun”, Mamakachik churashkapi katishpa mana ima llakipi minkirishkachu nishpa sumaychanami kan, kutinpash yuyachirka.
Minkarihska tantanakuy pushak, Fernando Villavicencio, kay juicio político ñawinchikunata kamachikunapi pakta pakta rikushpami katikushka nin shinapash Mamallakta Tantanakuy Hunta rimanakuypi kamachi killkakkuna chay tantanakuymanta llankay willaykunata killkashpa kuchuyachinka chimpapuraykunaman willarkakuna.
Kamachiy killkak Yeseña Guamaní, rikuywan katik, mana paypak llankayta kichuna raykuchu katikushka nirka. Freddy Carrión runapak rimaykuna kamachi killkakkunata umakunata maskan nishpa rimarka, chay yuyaykunata kutishkamantapash Ricardo Vanegas, rikuywan katikpash rakirkakuna.
JLVN/pv/gu-k
