Mamallatak tantanakuy hunta rimanakuyman Chakrawiwakamay wasiyuk, Tanlly Vera chayashkamanta, kamachiy killkakkuna kay kamaywasiyuk chakrakamayukkuna mana paykunapak chikan kawsaypi rikushpa rimanchu, tukuy llaktakunapi chakrakunawan kawsakkunaman rikushpa yanapayta mañankuna.
Paykunapak katuy murukunamanta chanimaru mana alli yallishkamanta, pinllupi llankakkuna, llarumanta shinapash palantamanta, hatun tantanakuypi chaskirkakuna, Vera kay chanikunaka chikan chikan yuyaykunapi churashkata hamutanami rikurin nirka, shuktak imakaykunapi katishka, ista katuna wasikunaman mayayashpa. Kaykama llakichishkami shuktak katushpa purikkuna washata harkashpa katikushka nirkakuna, maypika ashka llakikunata chanikunapi llakichishpa shamushkakuna.
Chakrakamay wasiyuk rimarishka kipa, Guadalupe Llori Abarca, Mamallakta Tantanakuy pushak, chimpapuraypak paskarka, maypika chikan chikan markakunamanta, chunka pusak kamachiy killkakkuna rimarirka, llakta chakrakamayukkunata makichurashpa yanapaywan katichun, Covid-19 unkuy llakichikunapi ashkata pachami murkunawan makichurarka nirkakuna.
Shuktak alwiykunapi, mamallakta kimirishka kamay wasi pushakkunata alli chanikunata rikushpa kay palanta, llaru, ñuñu, shuktak kapuk, maypika chakrakamayuk shinapash wiwayuk paykunapak llankaypi achiklla paktachishka ushachun, shinapash kay pachakunapi chanikuna mashna kullkita llankaykunapi tarpuy ashtawan pukuchi atichikunapish mana chayashka tiyachun willarkakuna.
Kamachiy killkakakuna kay Azuay, Bolívar, Cañar, Carchi, Loja shinapash Pichincha marka Punasuyumanta, llaktakunapi pinllu katuy llakikuna wakllichishpa shamushkamanta, mana chani llakillachu kan, maypika suero yakuta allichish rurashpa washata pakalla katushpa llakichinkuna. Chaymanta, washata yaykushpa katush purikkunata rikushpa harkachun mañankuna.
Shinapash, kamachiy killkakkuna kay Guayas, El Oro ashtawan Manabí marka Kuntisuyumanta, Chakrawiwakamay pushakta palanta rakukillka shinapash llaru pukcha chani katuykunapi wakllirishkata allichishpa yanapachun mañankuna. Kunakuna chayshina wanakuy mana chayllapi alli chani katuykunata chari ushanchu, ashtawan mashnallati chani kashkata paktachinami kan, tarpuykunata pukuchinapak hampikunapish achkatami chani wichiyarishpa katin nirkakuna.
EG/pv/gu-k
