María Dolores Miño, Paktakay shinapash Hayñi Rikuk Utkachik Pushak, paypak chimpapuraypi kay Paktakay Minkarishka tantanakuypi, Mamakamachiy Rikukwasi mishanakuyta charin wanay churayta killkaychinapak kay chichukay millayyumay tiyashkakpi, allishunku wawa urmachi tiyachun yanapak kamachiyta, llaki hapikkunatapash makichurachun nirkakuna.
Mamakamachiy Rikukwasi wanay churay paktachikka shuktak utkachishka paktachik kamachikkunawan shukllayashka hatun paktaykunata rikuchinapak charin, chay Integral Penal Kamachiy shuktak nikikunapi inconstitucionalidad parcial nishpa willarka, chinkanyachiy warmikuna ñuktu tisikuta mana charinchu shuk llaki pakichiykunamanta chichukaywan sakirinkuna.
Shinallatak, tukuy llakichishka warmikunapi ukllashpa tiksichani kanmi llankaypak shinapash millayyumaykunata sakichinapak nirka, allishunku wawa urmachi ama pakalla rurachun, maypika warimikunapak alli kawsayta llakichikunata manyaman sakinapak, shuktak mamallaktakuna shinapash Colombia, Argentina ashtawan México chichukay manarak llakipi yaykukllapitak urikuchichun arinishkakuna nirka.
Chaymanta, Mario Monteverde, cirujano hampik, Bioética yachachik kay Guayaquil Sumak Yachaywasimanta, Sumak Yachaywasi Navarra ayllumanta intichakuk, wawapak kawsay huntaymanta kallarin wacharinakama katin shinapash wawa urmachi, millayyumaymanta, allishunku wawa urmachi alli kawsaypak tukun nirkakuna.
Warmipak millayyumay llakipi chichukay tukushpa sakirishpaka ayllukunapak piñari shinapash llakikunami chayan, runakak warmi chichukashpa mana paypak huchachi kanchu nirkakuna.
Kashna hatun llakikuna chayakpika ishkay yuyaykunami tiyan kawsapi: wawata charinapak mana shinashpaka kutishuk runakunaman wiñachichun yallichi. Wawa urmachiwan llaki hapishkata mana allichi ushanchun, rimankuna.
PV/gu-k
