Kay Sultana de los Andes llaktaka, Mamallakta wiñachishka tantanakuy wasimi kan, tukuylla wankurishpa sinchiyachirkakuna. 1830 watapi, 21 minkashkakuna markakunamanta kay Riobamba kitipi tantanakurkakuna, kay llaktapak munayta, muskuykunata, llachiykunata, ista nitiykunamanta shuk pankakpi killkashpa sinchiyanapak”.
Guadalupe Llori Abarca, Mamallakta Tantanakuy pushak paypak rimaywan kallarirka, Mamallakta wiñarishka yuyari punchamanta Hunta rimanakuypi, 2017 watapi Mamallakta kamachiykunapak makipi paktachishkakuna. Kay tantanakuyta Riobamba kitipi paktachirkakuna, kallari Ecuador Mamakamachikta wiñachirka, llankayka kallarirka unanchakunata rurashpa.
Mamallakta pushak tantanakuyta apaypi, kallari tantanakuypi Virgilio Saquicela shuk niki kipa pushak Consejo Administración Legislativa (CAL) minkarishka, Darwin Pereira, Nathalie Arias, Ronny Aleaga shinapash Johanna Moreira tantanakurkakuna, shinapash shuktak kamachiy killkakkuna chaypi karka shuktakkunaka paykunapak llaktakunamanta hayllipi yaykushpa tantanakuyman yallirkakuna.
Paypak rimaypi, Guadalupe Llori kunan 11 puncha kuski killa kanmi, unanchakunata shinapash llaktayuk tukushkamanta yuyarinapakmi kanchik nirkakuna. Kay 191 wiñarishka watakunaka, chay unancha tiksiyuyay kishpikay shinapash llakta ushaykunaka, tukuykuna llankaykunata kamaywasikunamanta sinchiyachishpa kunan apankuna nirkakuna.
Mamallakta Tantanakuy pushakmanta maskan kay mushuk Tantanakuyka tukuypakmi, tawkay shinapash wankurishka kachun; llaktakunapak paktalla tantanakuy tiyachun; achiklla shinapash allishunku; runapa hayñikunata rikushpa sinchiyachishpa; ashtawan, llakta mutsurikunapi katishpa allichinapak rimarkakuna.
Ecuador Mamallaktapak makichurayta rimarkakuna chayshina ima millay yuyaykunamanta ama wakllichikuna tiyachun, rantimanta shuktak rimaykunamanta, pitapash mana allichinkachu; kay Tantanakuy utkalla llakikunata anchuchishpa mutsurikunata allichishpa mushuk kikin shukmanyachiykunata wichiyachinapak, tukuykuna wankurishpa shuklla yuyaywan llankayta rikuchinapak nirka. Ashtawan, may allimi tukuy tantanakuykunata shukshinalla tukushpa, chimpapuraypi, rimaykunapi shinapash arininakuypi sinchiyachinapak nirkakuna, shinapash kay kamay wasita ama llakichichun rikuranami kanchik nirkakuna.
Shinapash, kay Tantanakuyka llankaykatiy rikuywan shuktak llankaywasikunapi mana alli llankayta paktachishkapi rikushpa katishunmi; kay tantanakuy wasi ukupipash makashunmi. Shinapash kay tukuy killakuna chunka ishkay kamachikkunata katikushkakuna, pusak ñawpak yuyay kamachikunata arinishkakunata rimarkakuna. Shinapash Alli Kawsay, Yachay, wamrakuna Sumak Yachana Wasiman paktalla yaykuyman, alli llankay shinapash Pachamamamanta llankayta paktachishpa katinata willarkakuna.
Tukuchipi kallari Mamakamachik wiñarishkamanta kushilla yuyarinapak mañarka, maypika Mamallakta unancha kallari hapishka. “Ecuador kawsaypalla allikawsaymanta shinapash kuraraypak rikushpa llankanapak”, rimarkakuna.
Kay hatun tantanakuypi kiti shinapash marka pushakkuna rimarirkakuna. Napo Cadena, Riobamba Kiti pushak, kay pachakunaka Ecuador Mamallaktapi kawsakkunapak achka maymutsurimi kan nirka, maypika mamallakta tukuykunapak kawsayta paktachishka. Paymanta, Delfín Tenesaca, runakunapak tantanakuymanta minkashka, Mamallakta Tantanakuy pushakka tukuy llakta chayshina wachayllaktayukunapak tantanakuymanta yanapayta charinkimi nirkakuna. Ashtawanpash, Mamallakta Tantanakuy kamachikkunata ayllullaktakunapi yuyashpa achiklla llankayta mushukyachishpa rurachun mañarkakuna.
Shinapash, Juan Cruz, Chimborazo Marka pushak, tukuy Ecuador mamallaktapi kawsakkunapak wankurishpa shuk makilla arininakuy llankaykunami tiyan nirka. Llaktayukkuna tukuy kamay wasikuna tantarishpa llankaykunata paktachichun mañarkakuna.
Tantanakuypi Chimborazo markamanta Akamachiy killkakkuna wankurirkakuna. Rafael Lucero Kamachiy Killkak tukuy llaktakunapak hayñikunata pakta rikuypak shinapash tukuypak kashkata mitsanapakmi kan kamachiy killkakkunapak llankayka nirkakuna. Paymanta, John Vinueza llaktakunapak makay ashtawan rimaykunatapash yuyarirkakuna; shinapash Patricia Núñez shuk alli Ecuador Mamallaktapak kawsaypi tiyanmi ima llankay paktachishkata rikunapak kay shuk llakta charin yuyayta shamuk pachakunapak paktachishpa katinapak nirkakuna. Shinallatak, Mariano Curicama Mamallakta wiñarishkamanta, paypak llankayta paktachishkata kay yuyari punchapi makichuranapak arinirkakuna shinapash wiwakamayukkunata yanapanapak shuk ñawpak yuyay kamachikta chayachirka.
Unanchaykunata shinapash arininakuykunata tikrachi.
Guadalupe Llori, Mamallakta Tantanakuy pushak, Cebadeñito Llankay Wasi Joaquín Vicente Naigua minkarishkaman, Vicente Rocafuerte chanichi llankaymanta unanchayta chayachirkakuna.
Virgilio Saquicela, Mamallakta Tantanakuy kallari kipa pushak, La Ibérica Vicente, Jorge Jara pushakman, Vicente Rocafuerte, chanichi llankay ruraymanta unanchayta yallichirkakuna.
Darwin Pereira, CAL tantanakuypi kallari rimayta charik, Grupo Scout Don Bosco, Erik Aldaz pushakman, Vicente Rocafuerte, chanichi llaktay shinapash yachaymanta unanchayta yallichirka.
Nathalie Arias, CAL tantanakuymanta katik kipa pushak, chanichi pukllaypak Raúl Bayas Confederación Nacional de Juntas de Defensa pushakman, Vicente Rocafuerte unanchayta kurkakuna.
Ronny Aleaga, CAL tantanakuy kimsa niki rimayta charik, chanichi pukllaypak, Miryam Núñez ciclista kallpakman, Matilde Hidalgo de Prócel unanchayta kurkakuna. Chay karayta ayllukuna chaskirkakuna.
Johanna Moreira, CAL tantanakuypi chuski niki rimayta charik, chanichi llankaypak, hampik Luis Escobar, Red de Salud Pública de Chimborazo minkarishkaman, Vicente Rocafuerte unanchayta yallichirkakuna.
Mamallakta Tantanakuy kallari kipa pushak, yachay shinapash kawsay chanichita, Ángel Verdesoto, Chimborazo yachachikman, Vicente Rocafuerte unanchayta kararkakuna.
Mamallakta Tantanakuy pushak, wankurikawsay chanichita, Christian Sarabia, Dirección Provincial de Salud de Chimborazo Marka Hampina Wasi 3 Alli Kawsayta yanapak pushakman, Vicente Rocafuerte unanchayta yallichirkakuna.
Tukuy unanchaykunata chaskikkuna Mamallakta Tantanakuy arininakuyta hapirkakuna. Tantanakuyka Riobamba Kitipa Haylli takikunawan tukuchirkakuna.
SV/pv/gu-k
Más fotografías
