Desarrollo Económico, Productivo y la Microempresa Minkarishka pushak, Daniel Noboa Azin, Viena llaktapi “Kallari hatun tantanakuy tukuy allpacha llakichi makaymanta” Ecuador Mamallaktapak shutipi tantanakuyman yallinkakuna, maypika kawsaykamay, kullki wiñachi, charirayanalla shinapash runahayñi yuyaykunata rakishpa ashtwan Mamallakta Tantanakuywan kamachiykunapak llankayta sinchiyachinapak nirkakuna.
Ishkay niki tantanakuypi kamachiy killkak ista minkarishkakunawan alwiy sakichiy, tukuy llakichikunamanta makaypa rimaykunata paktachirkakuna. Chay wankurishpa tantanakuypi utkachishka hayñikunata harkashpa atipanakukmanta shinapash llaki makaykunamanta rikushpa llankarkakuna.
Paypak rimaypi, kamachiy killkak Ecuador Mamallaktapi hatun makay llakichikunamanta riksichirka; kullkikunata yallichishpa tantanakuywan llankankuna, shiray llaktapi mirachimanta, pampa warmimanta, runakunata wakllichi shinapash wañuchimanta rimarkakuna. Shinallatak, Ecuador Mamallaktapi kay watakunapi achka makay llakichikunata wiñashkamanta riksichirkakuna, chayshina Guayaquil kitipi, kimsa patsak runakunata kay watapi shwakuna wañuychinkuna, yalli pachami kan, hatun shwakunawan tantarishkakunami kan nirkakuna.
Kapakkamay mutsurikunata mushukyachinapak Noboa riksichirka, pushayyachay shinapash pakta yuyay ushaywan kay hatun llakikunata pitishpa shayachinapak willarka. Tukuy llaktapi kawsakkunawan tantalla yanapaykunata paktachinapak Mamallakta Tantanakuypak mañaymashkayta tiyanamanta rimarirka, maypika alli tukushkata mashkanapak umallikuy llankaywan paktachishka yallichun, tukuy markakunapi chayashka tiyachun, kay hatun shwakuna runakunata achkata pachami punchanti punchanti llakichinkuna, alli paktalla wiñarishpa paktachinata wakllichin shinapash Ecuador mamallakta shinapash Abya Yala kay México, Paraguay shinapash Bolivia wamrakunapak shamuk pachakunata harkakuna nishpa rimankuna.
Ecuador Mamallakta pachapuriy paktachikunawan kamachiy tantanakuyta shinchi shayarikunata paktachina nirka, hatun achiklla yuyaykunata churachun. Maypika Daniel Noboa Azin, tantanakuyman rinapak paypak kullkikunawan mutsurikunapi paktachishpa allichikushkata arinirkakuna.
