“Kay mushuk Mamallakta Tantanakuy, kawsaymanta llankan, Ecuador Makichuraymanta tukuy Chimborazo markata tantanachinkuna. Tukuylla kamachiy killkakkunawan wankurishpa, Marka kamaywasi shinapash chakrakamayukkunawan alli llankayta tukuyman wiñachishpa llankashunmi”, “Chimborazo kanchik” shukti riksichikunapi Guadalupe Llori Abarca nirkakuna, chay marka kamay wasi tantanakuyta paktachishkapi, “Mamallakta wiñarishka puncha”, maypika kallari Mamakamachik arininakuypi, 1830 watapi.
Juan Pablo Cruz, Chimborazo Marka pushak, Mamallata kallari apakmanta shuk unanchakillkata Mamallakta Tantanakuy pushakman yallichirkakuna. Shinapash, Pushak Guadalupe Llori llankaykunata paktalla wiñachishpa yallimanta Marka pushakman shuk arininakuyta chayachirka shinapash llankaykunawan paktalla mushukyachishpa wiñachinamantapash riksichirka.
“Kamachiykunapak may allimi mushuk yuyaykunata llankay wiñachikunapi katikushkata yanapanapak, murukunata allichinapak shinapash mushuk llankaykunata Ecuador mamallaktapak tarpuy murukunata riksichishpa ashtawan Chimborazo muchuk yuyayta paktachishkamanta”, Mamallakta Tantanakuy pushak nirkakuna
Chaymanta, mushuk yuyaykunaka achka allimi chakrayukkunata makichuranapak, ima murukunatapash tukuy pachakunapi rikushpa wichkanapak, tarpuypi kawsakkunata yanapanapak, llankayrikuy, mushuk llankayta wiñachi shinapash makiruraykunata shuktak marka ashtawan ista mallaktakunapi paktalla katuy ushachun. “Chimborazo markami kanchik, llakta kikinyarikunata sinchiyachin shinapash paykunapak runapakuy kashkakunata paktachin, ñawpa hatunyayakunapak unanchakuna shinapash ñukanchik tawkasamikunamanta” Mamallakta Tantanakuy pushak rimarkakuna.
Mamallakta Tantanakuymanta ñawpak yuyay kamachikkunawan llankay wiñachikunawan, chakramakay mirachikunawan, llankay wiñachiy, llankakkunapak hayñi ashtawan tukuypak kawsaykamaykunapi rikushpa llankankuna nirka, shinapash Emprendimiento e Innovación kamachik mushukyachinapak ashtawan Economía Circular kamachik wiñachiwan llankaymanta rimarkakuna.
Paymanta, Juan Pablo Cruz, Chimborazo Marka Pushak, “Chimborazo Kanchik” Marka yuyayta riksichirkakuna, maypika kikinyari, apushkay shinapash shunkupash kimsa achiklla yuyaykunata paktalla sinchiyachimanta rimarkakuna.
SV/pv/gu-k
Más fotografías:
