Awkichiy Allimikuy shinapash Llakta Chakrawiwakamay ashtawan Challwakamay Minkashka pushak, Mariano Curicama, Manabí chayshina El Oro markakunapak challwallankaymanta tantanakuy minkashkakunapak yuyaykunata chaskirkakuna, kay ñawpak yuyay Desarrollo de la Acuicultura y Pesca Kamachik mushukyachinapak, kamachiy wasimanta paktachinkuna.
Maryuri Quijije, Jaramijó kiti challwakamay llankaymanta minkashka, kay pacha kamachik paktachika achkatami llakichin nirka, challwapi llankakkunata alli pacha rikushpa patachi tiyachun, kay uchilla challwa llankaywan kawsakkunata yallika yanapachun rimankuna, maypika katushpa shinallatak katushpa kawsakkunata mana alli paktachishkapi rikunkuna, imashina kakpipash, achka kutin mana shina china katuykunawan kawsaypi wanaychishpa llakichishkamanta mana kutichi hawalla ushay tiyanchu nirkakuna.
Chaykunamanta llaktapi kawsakkuna kamachikta alli rikushpa musukyachichun, ashtawan tukuyllapi paktashka rikurichun maypika atun mikuyta katukkunapash rikushpa chikanyachichun shuyankuna, chashna yanapay tiyakpi challwa llankay allilla yallichun, ama manchachishka chinapash llakipi churashka kawsay tiyachun shuyankuna.
Paypak manyamanta, Pablo Enríquez, Unión de Organizaciones Pesqueras Artesanales de Manabí tantanakuymanta, kay kawsaykunaka achka llakimi nirkakuna, mana wanaykunallapichu makaykunata charishka, mamakuchapi achka kawsaykamay llakipi tiyan, 3 000 kuyuri antakunata llakipi churashka tiyankuna mana pipash yanapankunachu nirkakuna.
Shinapash, kay Tantanakuy Alcides Solórzano, Organización de Producción Pesquera Artesanal de El Oro (UOPPAO) minkaskata chaskirka, kay challwapi washa llankakkuna kay kamachik hatun challwa kamay wasipi llankakkunallatami yanapan nirka. Chay yuyaymanta, mana uchilla challwakunapi llankakkunata yanapay tiyana kashpaka mana alli rikurinchu chay kamachikta mushukyachinapak, shinaspaka, kay uchilla challwa tantakuy llankayka mana hatun wampullay shinachu 20 chinapash 40 tonelada challwakunata yalli hapinkuna nirka.
Mariano Curicama, Tantanakuyta pushak, Mamallakta Tantanakuyman tikramushpa yuyaykunata chayachishpa sakishkamanta achilla kamachikta wiñachinapakmi nishpa yupaycharkakuna.
EG/gu-k
