Kay ñawpak yuyay Hakay Mitachi Tukuywillayapamuy Kamachik paktachishpa kati, Mamallaktapi tiyak ayllullaktakunapi paktachinapak rikushpa, Karupi Kikinllatak Kamachik Minkashka, ishkay niki tantanakuypi chaskirkakuna, Pedro López, Tukuywillayapamuy Ruray Katichiy Yachayyukta; Mario Crespo, Asociación de Prestadores de Servicio de Internet del Ecuador pushak; shinapash, Milton Pérez, Federación Nacional de Ingenieros Eléctricos y Electrónicos tantanakuymanta, chay kamachikpi katishpa shuktak hillaykunamanta yuyaykunata hapirkakuna.
Chay tantanakuypak willaymanta, yallishka watakunapi Patachiy Wasi chayshina Tukuywillayapamuy Kamaywasimanta rikuriyaykunata chaskirkakuna, maypika chimpapuraykunapi rimaykunata yalli paktachishkami kiti ukukunallapi kay Internet hakay mitachikunata paktachinapak rimashkakuna, mana ayllullaktakunaman yuyashkakunachu.
Pedro López runaman, chay kamachik mana wakcha llaktakunapai kawsakkunata yanapanchun, ashtawan, hatun internet katushpa yallichikkunallatami yanapan, chay llakikunamanta mushuk kamachikta tukuy mamallakta kawsakkunapi rikushpa mushukyachina rikurin, chanimaru patachiykunawan, Arcotel wasipi pankata luklluyaikuchichun; ashtawanpash, tukuywillayapamuy kamaywasimanta yanapak kullkiwan uchilla internet katukkunata panapachun.
Paypak panyamanta, Mario Crespo, Asociación de Prestadores de Servicio de Internet pushak, Ecuador Mamallakta katuykunapi achka hatun chanimarupi churashka charinkuna, kay Colombia, Argentina shianllatak Brasil Mamallaktakunawan chimpapuraypi rikukpika. Mamallakta kawsakkunapak wasipi Internet hillaykuna kiti ukukunapi 37%, shinapash 17% wallami ayllullakta kawsakkunapak wasipi internet hillayta churashka tiyankuna.
Kuturipi, Milton Pérez, Federación Nacional de Ingenieros Eléctricos y Electrónicos kamay wasimanta, llankay mishanakuyta Karupi Kikinllatak Kamachikkunaman yallichichun rimankuna, uchilla internet katushpa yallichikkunata patachishpa yanapachun, chayshina tukuykunata makichurashpa kamanapak. Shinashpaka, katushpa chanikunata rikushpa patachiy tiyachun, kiti ukukunaman shinallatak llaktakunamanpash yallishpa yanapachun.
KC/eg/gu-k
