Kullki Llankay Wiñariy Minkashka, Daniel Noboa Kamachiy Killkak makipi apakushkamanta, El Oro Markapi, kunan puncha llaktapi llankaykunawan kallarirkakuna. Tukuy minkashkakuna shuktak Chakramayuk tantanakuy kimirishkakuna, chikan chikan tantanakuy Huaquillas kitimanta shinapash kiti pushak Alberto Astudillo, kamachiy tantanakuypi llakikuna punchanti punchanti chay llaktakunapi llakichimushkamanta riksichirkakuna.
Awkik chuyankunami washata katuywan yallichishpa llakinkuna. Chay yaripi, shuktak llankayta hapishpa awkanapak mañankuna. Shinapash, Huaquillas kitipi runakuna katunapak manukullkita yallillami payllana kan nirkakuna, paypika Perú Mamallaktapi mana ruranchu, katuna wasi ukupi katukkunata llakichinkuna rimankuna.
Chikan chikan llakta tantakuykunamanta may tiksichanimi kan kay karma kamachikkunapi llankanapak, paktasuyu saywashkapi makichurashpa kullki llankay kutin sinchiyachinapak rimankuna.
Kamachiy Killkak Wilma Andrade, llaktakuna chakrakamayukkunawan kamachiy tantanakuyta pusharka, tantalla alwiy tiksichanikunawan, El Oro Markapi kullki llankay kutin sinchiyachinapak arinishpa llankanata rikuchinkuna, Covid 19 wakllichishpa llakichishkamanta asha asha hatachishpa katinatapak riksichinkuna.
Kamachiy Killkak El Oro Markamanta, Carlos Zambrano, chay markaman achiklla kamachikta maymutsuri charinata riksichirka. Tukuy llaktayukkunapi alliruraywan shinapash kullki llankay kutin sinchiyachikunapi llankanapak paypak yuyarinakuypi kutinpash arinirka. Shukmanta, Kamachiy Killkak John Vinueza, maymutsurik riwiyuna shuk kamachikta saywashkapi kullki llankay wiñachinapak tankanapak yuyarinkuna.
Tantanakuyta tukuchishpa, kamachiy tantanakukkuna paktasuyunapi tukuy katuykunata yallishpa rikurkakuna. Tukuy kapukkuna llaktapi pukushkata kay mamallakta katuna pampakunapi chayshina ista mamallaktakunapi satinapak, kallaripi tiksichani yuyaykachayta wiñachishpa paktachinami shuktak yuyaykunawan arinirkakuna.
SV/pv/gu-k
