Llankaykatiy shinapash Umachik Rikurayak Minkashka Unanchashka Sumak Hatun Yachana Wasikunata tarapaykunawan katinkuna. Llakiruraymanta, llankakkunata, ñawpa llankakkunata shinapash llaktayukkunatapash kay hatun Yachay wasiman minkarishka nishpa chaskirkakuna, Uniartes chayshina Ikiam.
Yachay katimanta, riksirayay llakta, tukuypak llankay wasita wishkak, Mario Cuvero Miranda, chay llankay llakipi wichkarikushpa yallikushkamanta riksichirkakuna. Llankaykunaka katinmi nirka, hatun kamak kay Llankay Kamachikman minkarishpa, ashalla runakuna llaktakunapi llankaykunata paktachinkuna, uchilla wallpata allichinapak. Kachay pankakunapi killkashpa shinapash wichkaykunamanta rikurishkakuna, kamachik manu rikuchipi katishpa allichi paktachun.
Paypak manyanamanta, Fabricio Valencia, Yachay EP kamachiy kamay ñawpa pushak, kulla shinapash aymuray 2021 maypika llankayta apakushka, chikan chikan chaki katikunapi rikushpa katina rimankuna, tukuy kamay wasi ukupi alli shinapash man alli hillaykuna tiyashkakunapi willaykunata hatichishpa rikunami, kay mushuk kamay wasiman paktalla kamashpa tikrachinapak maypika mushuk kamaykuna apanka nirka.
Shinapash Yachay EP ayllullaktamanta minkashkakuna chayarkakuna. Doris Quimbiamba kay 1.500 llaktayukkuna Urcuquí kiti allpapi llankakkuna achka llakipi kawsakushkata riksichirkakuna, 2017 watamanta llakikunawan kallarirkakuna, chay kipaman, Yachay shutita Siembra EP shutiman tikrachishka hawa shinapash kipaman wichkanapak katinaman. Yachay utka kullkikunata chayshina kawsay Imbabura marka maymutsurik kitiman chayachirkakuna, mañaykunapi kay ñawpak yuyayta tarikapunami kan nirkakuna.
Paypak manyamanta, Pablo Lozano, Sumak Hatun Yachay Wasi Ikiam Minkashka yaykuriy pushak, kay yachay wasi 1.500 yachakukkunata charin, 16 kawsa marka runakunapak paktachishka, yallika Napo chayshina Pichincha markakunamanta chamunkuna; 77% yachayman may alli yaykunami tiyan, 62% sakirikkunami paktan, 47 llukshikkunawan kay 2021 watapak sakirin. Shinallatak, mamallaktamanta 75 yachachikkunata charin ashtawan 31 ista mamallaktakunamanta; 21 yachachikkunallami chaypi yallita pacha llankaywan katinapak charinkuna nirka.
Kutishukmanta, William Herrera, Artes Sumak yachana Wasi, Uniartes yachaymanta, kullkiyanapay yallichishkakunamanta riksichirka; hatun pushakta akllay; yachachikunata akllay ashtawanpash hatun kamachiy kamay llankaykunapak akllaykunamantapash willachirkakuna.
Shukmantapash, kamay wasita allichishkakunaka 2020 watapi tukurirka, chay kamay ukuka takikkunapi wallpaypak yachaykunapi wiñachishka karka, achiklla awlliriykunawan katichun uchilla kamachiykunata charishkata willarkakuna.
EG/pv/gu-k
