“Mamallakta Tantanakuy llakta ushay kamay wasimi, maypika chikan chikan chayshina ñukanchik tawka runakunapak waki shinapash shuktak llaktay wankurishpa; tukuylla tantanlla kamachiy minkashka tantanakuykunapi achikllay ashtawan aripaktachi llaktakunapak allikawsay, Ecuador mamallakta alli pacha wiñarinapak kanchikmi”, kay rimaykunawan Guadalupe Llori Abarca, Mamallakta Tantanakuy pushak willachik antakuna shinallatak kurakakuna ashtawanpash kamachiy tantanakuy minkashkakunawan rimaykunata paktachishpa kallarirkakuna: Juan Fernando Flores (BAN), Paola Cabezas (UNES), Rafael Lucero (PK), Esteban Torres (SC) chayshina Yeseña Guamaní (ID). Paktalla tukuy yuyachik antakuna shinapash rikuchik antakuna ashtawan pushakkunawanpash paktalla rimaykunata charirkakuna.
Chay yachaywa mutsurimi willaykunapak antami karka ñawpak yuyay Creando Oportunidades Kamachik paktalla katinamanta riksirkakuna, mamallakta pushak utkalla llankay kullki wiñachimanta paktachichun yuyayashpa chayachishkamanta. Kay chikan rikuymanta, Mamallakta Tantanakuy pushak nirka, kay shamuk wanra puncha 28 kuski killa makachiy tantanakuykunawan paykunapak yuyayta rikunkapak tantanakunkakuna, chayshina kullka punch 29 kuski killa Consejo de Administración Legislativa (CAL) tantanakuywan wankurishpa kay Unidad de Técnica Legislativa (UTL) llankaywillay mana tinkiriy iñukunamanta rimankakuna, paktalla yuyaykunata rikushpa paktalla arininapak. Kay pacha, UTL mamallakta pushak pankakunata chayachishkata rikunapak, rimarkakuna.
Chaymanta, Mamallakta Tantanakuy kimsa chunka punchakunata charin paktachinapak nirka, chay ñawpak yuyay kamachikta mushukyachinapak, shukmanta mana ninapak, shuk kutin alli rimaykunata rurashpa shinashpaka paktan mana shinpasha mana paktan kay mamakachik ashtawan shuktak kamachikunawan, shukpalla tiksimanta rimarishpa nirkakuna.
Paypak manyamanta, kamachiy killkak Paola Cabezas UNES kuyurimanta, kay 136 niki Mamakachik yuyayta rikuchin kamachik ñawpak yuyaykuna shukshinalla paktachinata sinchiyachina rimarkakuna. Tawka tiksikuna tiyashkata rikushkakuna: llankay, kullki chayshina manukullki. Ashtawan kay Kamachiy Awlli Kamachik 56 niki Mamallakta Tantanakuyman kunmi, mamakamachik killkaypi mana paktashka kashpaka, mamallakta pushakpak makiman tikrachi tiyanka, riksichirkakuna.
Kamachiy killkak Juan Fernando Flores, Bancada del Acuerdo Nacional pushak, mamallaktapak chayachishka ñawpak yuyay llankayta wiñachinapak llaktayukkunapak kawsaypi rikushpa makichuranapak nirkakuna, maypika shuktak kamachikkunata mushukyachina tukun, ashtawanka, paypak rimaypi, kay rikuchiy rikushpa chaninami kan CAL tantanakuypi paktachinapak, shinallatak kay allita rikuy minkashka shuktak llankaywillaykunata killkashpa Hunta rimanakuypi chimpapuraykunata paktachichun, rikushpa aripaktachishpa, Ecuador mamallakta kawsakkunaman kutichikunata rurachun nirkakuna.
Shinallatak, kamachiy killkak Esteban Torres, Partido Social Cristiano tantanakuymanta, kay CAL tantanakuy ñawpak yuyay llankayman arinishpa tikrachichun. Paypak rimaypi manukullki rikuykunapi llakikuna tiyan. Chay llankaykunamanta ishkay minkashka tantanakuykuna rikushpa kamaykukunata rurachun, shinapash llankaymanta iñukunata churashka tiyan. Chay katikunamanta, Yeseña Guamaní ID minkashka, Mamallakta Tantanakuy mana llankaykunapi wakllirishpa sakirinkachu, mana llakaykuna llakikunapi tiyarinkachu. Kay ñawpak yuyay kullkikunapi, manukullki ashtawan llankaykunata hamutashka sakirinkakuna nirka.
Rafael Lucero, Pachakutik kamachiy tantanakuy pushak, kay mushuk ñawpak yuyayta allilla rikushpa katina tantalla kay Mamakamachik shinapash shuktak uchilla kamachikkunata ama llakichikunata tiyachun rimankuna. Kay rikuykunapi, paypak tantanakuy, chay pachakakunapi, willankakuna. “Mana nimata llakichishunchu, ashtawan Mamakamachik ashtawan kutishuk uchilla kamachikpi rikushpa paktachichun chaytaka rikurashunmi” riksichirkakuna.
Chay tantanakuypi amnistía mañaymanta tapurkakuna. Mamallakta Tantanakuy pushak, Guadalupe Llori, llankayñañkuna kamachiy killkakkunapak llankay iñukunapi yaykushpa katin nishpa yuyachirkakuna. Chaymanta, paktalla llankaykunapi katinata rikunkuna. Chasnallakta llaktakunapak kamay chayshina makay hatun llakichikunamanta, kamachiy killkak Paola Cabezas kay kamay paktachinapak kullkita milkapankapi uriyachishpa churashkamanta achka llakimi rikurinkuna nirka, shukmanta kamachiy killkak, Juan Fernando Flores kawsaykamay iñumanta tantanalla wankurishpa Relaciones Internacionales tantanalla Seguridad Integral minkashkakuna shuk hatun milkapankakakunata killkashpa llankankuna nirka.
Tukuchipi, Llori kutinpash Kaya Mamallakta Tantanakuy tukuypak punkuta paskallami charin kamachiy killkakkuna alli kawsayapi rikushpa kamanchik chayshina kay 4 wayru killa 2021 wata, tukuy punchakuna llankaykunawan kallarinkakuna nishpa riksichirka.
JLVN/pv/gu-k
