Justicia y Estructura del Estado Minkashka, manarak llankaywillayta killkashpa kay ñawpak yuyay millayyumay chichuchimanta alli shunku urmachi hayñikunata kamanapak kallari chimpapuraykunapi paktachinapak, hampik yachakkunapak yuyaykunata chaskirkakuna.
Kamachiy killkak María José Machado, Warmikunapak Mamallakta Tantanakuy minkashka, millayyumay llaki hapishka hayñikunata tukuy allichikuna tiyachun, chichuchishpa llakichin shinapash alli shunku urmachinata yuyankuna paykunapak ñawpak yuyay kawsaywan katinchun nirkakuna.
Kay hampikuna misoprostol chayshina mifepristona wañuy llakichikunata uriyachin arinishpa chayllapi paktalla sakichishpa riksichin. Chaymanta kay ishkay sami hampikunata ñawpak yuyay kamachikpi killkashpa churachun, maypika Tukuypak Yanka Hampik Kamay Wasi akik alli shunku urmachi makichuray tiyachun nirkakuna.
Paypak manyamanta, llaktamanta minkashka Grace Quelal paypak yuyaykachay rikuchirka, INEC imanik, 2018 wata 2089 wawakuna wacharirkakuna kay chunkamanta chunka chusku wata charik warmikuna. Chay llakimanta, Mamallakta hampikunata allikay kawsaypak yanapachun, maypika chay millayyumay chichuchishpa sakishkamanta alli shunku wawata urihuchichun, ukumpa chayshina yuyaykak kamachun, millayyumaymanta shuk wawa chichushkata mana mamatukuchun mañankachu.
Hampik runapak yuyaymanta, Estefanía Espín, biotecnóloga de la Escuela Superior Politécnica del Ejército minkashka, tukuypak yanka hampikunapi amawta yachay rikuypi paktachishpa, maypika tantanachichun yachay allikay, amawtay allikay, mana sapalla yuyay yachaylla tiyanachu rimarka.
Kunan alli shunku urmachi llakichikuna, mana llakita huchachinchu, ashtawan warmikunapak aychata chayshina hampi yukuy ashtawan kutin pukuchimanta rimarkakuna.
Esteban Ortiz, tukuypak yankalla hampikunamanta taripaykunata rikuk, shuktak mashnay maymutsuri hampi wasimanta: tukuy uchilla taktikunapi 255 wawakuna wacharin tukuy ista mamallaktakunapi, 80 hunu mana munashka mana llankayñankunapi churashpa chichuchishka, shuk chay ihskantimanta manarak wachashpa urmachinkuna, 41 hunu watanti watanti wawa urmachikuna tiyan shinapash 86% wañuykuna wawa urmachikunamanta tiyan tukuy mamallakta wiñarikunapi rimarkakuna.
Ayllullaktakunapi kawsak warmikunami unkuykunata mamallaktapi charinkuna, mana ayllullaktakunapi hampina wasi tiyashkamanta mashkan tiki ukukunaman shamushpa makichurachun mañankuna, maypika unkuywan tiyakkuna yallipi yaykun rimankuna.
Tukuripi, Minkashka tantanakuy pushak, Dina Farinango, llankaykunata llaktayukkunawan kamachikta mushukyachinapak mamallaktapi kawsaykunapi rikushpa llankayta paktachishpa risichirkakuna.
GU/pv/gu-k
