Allikak Minkashka pushak, José Chimbo, tukuy pankakunata chaskishpa rikuykunata shinallatak ishkantimanta ñawinchikunata Bella Jiménez kamachiy killkakpak shitipi katikuy taripaykunata paktachishka hawa, kamachiy killkakkuna Alejandro Jaramillo tantalla Victoria Desintonio huchachikunata chayachishkamanta ñawpak yuyay llankay willayta rikuchirkakuna.
Maypika allimanta kay 166 niki, 8 yupay Kamachiy Awlli Kamachik killkaypi willachin, ñawpak yuyay llankay willayta minkashka tantanakuypi riksichinami kan, shukllayuyay tukuymanta achka, kimsa puncha manu paktaypi arininakuyta ushankakuna.
Pichka puncha manu paktaypi llankay willayta kutichishpa chaskishka kipa, Mamallakta Tantanakuy pushak puncha llankay paktachipi churashpa tantachinkakuna, patsak kimsa chunka kanchis kamachiy killkakkuna riksishpa chayshina sinchiyuyarikunata paktachichun.
José Chimbo, Minkashka pushak, nimanapak mana tukushpa achiklla llankayta paktachishkanchik, harkakpak hayñi shinallatak tukuykamachikunapi rikushpa paktachikuna tiyarka. “mamallaktapi yuyashpa sapsillankaykunata paktachishkanchik”, riksichirka.
Shinallatak, Minkashka tantanakuypak killkakamayuk ukuman ñawpak yuyay llankaywillayta kamachiy tantanakuyman yallichichun nirkakuna, chay rikushpa hawa ima allichinakuna tiyakpi utkalla tikrachichun mañankuna, Kamachiy Awlli Kamachik achikllata riksichinkuna.
KC/pv/gu-k
