“Yallishpa rikushka kipa, kay 15 karwa killa 2021 watapi rurarkani,rikuyta ushankichi muyunti kay 3.000 hunu ayllukuna 22 de Flor de Bastión tantanakuymanta; Mushuk Guayaquil shinapash Las Delicias, uchilla wallpa hatun llaki mayallapi kawsankuna chaymanta utkalla shuk manyaman yallichinaman mutsurin”. Kamachiy killkak Patricia Sánchez shina riksichirka, chay rimayta nishpa kay llankaywillayta maypika rikushpa shuktak pampakunaman yallichinapak yuyashkata, Hunta rimanakuypi Karupi Kikinllatak Kamachik Minkashkaman chayachishka.
Kay 65% Guayaquil Kiti Uku Allpa samana wasipak pampamanta mana alli kashkamanta ñami harkankuna, shinapash Guayaquil Kiti Ukupi Kamay ashtawan Kawsana Wasi Kamayukkuna Mamakachik chayshina ista rimanakushkakuna achkata hayñikunata llakichishkakuna, ayllukunapak kawsana sumakkay shinapash allichishka hayñi wasi nirkakuna.
Shuk achiklla rikuchiy Kamachiy Killkak Sánchez paktachishkamanta, llakichishka runakunawan shuk tantanakuyta wiñachishpa allichinapak. Shamuk tantanakuykunapi Alli Kawsana Wasi Kamay Wasita pushak chayshina Guayaquil Kiti Ukupi Kamay Wasi pushaktapash chaskichun mañarkakuna, llakichishka ayllukunapak kawsaykunata ima llankaykunata paktachikushkata riksichichun kayankuna.
Minkashka shinapash tantanchishka ñawpak yuyay Vivienda de Interés Social kamachikmanta hamutay chayshina chimpapuraykunawan katinkuna. Kay pacha, wankuri satallichak kay 45 shinapash 65 niki kawaykunata chayachirka.
Wankuri satallichak kay chaska puncha 8 wayru killapi tukuri pakma tinkishkapi: wanay kamachichishka, tukuykunata churay, mushukyachikuna, wanachikkuna, ashtawan kumpaypi, llika informático Tukuypak Mutsuri Wasi rikuykunapi llankankakuna nishpa willachirka.
KC/pv/gu-k
