Allikak Minkashka pushak, José Chimbo, Hatun Killkakamayuk ukuman, kay kullka punchapi tikrachirka, Kamachiy killkak Bella Jiménez huchachishka llankaywillayta paktalla taripaykunapi katishkata, Allikak Minkashka tantanakuy kay sukta punchapa wayru killapi tukuylla wankurishpa arinishkakuna.
José Chimbo kay wiñarimuy chusku chunka punchakunapi aparkakuna, tukuy chayachishka pankakunata, ñawinchikunata chayshina ishkantimanta rimaykunata uyashpa allichishpa paktachishpa riksichirka. “Achikllay rikuywan ushashkanchik, pakta pakta rikuykunata chakikatikunawan chayshina harkaypak hayñikunata sumaychashkata”, willarkakuna.
Llankaywillaypi ninkuna, wanayta Mamakamachik 127 niki shinapash 163 niki Kamachiy Awlli Kamachik paktalla killkakatishpa allichinkuna, shuktak kamachiy killkakkunapak mana llankayta apashkamanta. Chay llakikunata huchachishpa churarkakuna maypika Bella Jiménez warmi paypak mashikunaman tukuy kamay wasikunapi churanapak mañaymashkay rurashpa purin shinapash chay yanapaymanta kullkita washata hapishpa yallishkakuna nishpa mana allikanchu chaymanta huchachikunawan katishkakuna.
Kay pacha kamachik paktachiwan, kunan punchamanta Mamallakta Tantanakuy pushak, Guadalupe Llori, charin pichka manu punchakunata charin llankaywillayta tantariypa nikipi churashpa Hunta rimanakuypi chyachinapak, 137 Kamachiy killkakpak sinchiyuyarikunata paktachinapak.
“Mamallakta Tantanakuy shina, mamallaktaman achikllay rikuchita paktachinchik, chuyay ashtanwankari tukuy Ecuador mamallaktapi kawsakkunaman alli llankayta hapichun paktachishunchik, shamuk punchakuna tukuy kamachiy killkakkunaman chayachishunmi pakta pakta achiklla rikuy llankaykunawan katinapak shinapash Mamakamachikta, Kamachiy Awlli Kamachik shinallatak Allikak Minkashka Uchilla Kamachikkunata kamanapak”, kumpayrka.
KC/pv/gu-k
