Shukutin Kay Consejo de Administración Legislativa (CAL), Johanna Moreira kamachiy killkak huchachishpa pankata chayachishkata Eckenner Recalde kamachiy killkakpak shutipi huchachishpa chanirkakuna, paywan llankakkunata kullkikita yankamanta llukchishkamanta, Allikak Minkashka kay awaky puncha tantanakurkakuna, huchachishka yuyaykunata rikushpa katinapak.
Kay tatkikuy pankakunata wichinaman apanapak, Kamachiy Killkak Freddy Rojas paktalla taripaykunawan kallarinapak rimarka, ñawpachikuy chayshina manukunawan Kamachiy Awlli Kamachik (LOFL) shinallatak Allikak Minkashkapak uchilla kamachita killkakatishpa paktachikuna tiyachun.
Chaymanta yuyaykunata rikuchishka hawa willayta chayachichun mañarkakuna, chay manu kimsa punchapi chayachichun, huchachikunata churashkaman tukuy tiyashka, llukchishka pankakunata ashtawanpash kamachiy killkakta huchachishkamanpash paypak shayari hayñikunamanta paypash chayachichun charishka pankakunata tikrachimuchun. Tukuykuna shukshinalla yuyay tantanakuypi chayachichun arinirkakuna.
Huchachi panka, kamachiy killkakpash shutipi tukuy rimayta rurashka uyayta rimankuna, maypika paywan wankurishpa llankaypi yanapakkunata kullkita mañashpa Quito wichay suyuman kachanapak mañashkakuna.
KC/pv/gu-k
