Mamallakta Tantanakuy Mamakamachiy Rikukwasipi llankak Kishpichikkunata mushukyachinapak kimsa runakunata akllarkakuna.

Lunes, 11 de octubre del 2021 - 23:51 Imprimir Elaborado por: Sala de prensa
Asamblea designó a tres postulantes para la renovación parcial de la Corte Constitucional

Mamallakta Tantanakuy akllarka, 89 apuchikunawan, Pamela Aguirre Castro, Milton Velásquez Díaz chayshina Luis Sarango Macas akllarkakuna, Mamakamachiy Rikukwasipi mushuk kishpichikkunata akllashpa churanapak yaykushpa paktachichun akllarkakuna.

Chay akllaykunata paktachirkakuna 432, 433 shinapash 434 niki Mamallakta Kamachik ashtawanpash kay 180 niki Garantías Jurisdiccionales y Control Constitucional Kamachik, killkaykunapi killkakatishpa shinallatak tinkuchik hatun kallarikuna awlli kishpirikunata paktachishpa akllarkakuna.

Kamachiy Killkak Luis Almeida Morán, tukuykunapak shuktikunata siksichi pachapi, Ecuador Mamallakta aripaktachi tukuy mutsurikunapi rikushpa shinapash awlli maymutsurikunapi paktalla llankaykunata allichichun, shinapash achikllay paktakay ashtawanpash kikinyashpa tiyachun rimarkakuna.      

Chay kimsa runakunata akllaypak Mamakamachik killkaypi riksichinkuna, maypika mishaypak yaykushpa katikkuna tukuy killkaykunapi mañashkakunata paktachina kan Orgánica de Garantías Jurisdiccionales y Control Constitucional Kamachik, ashtawan kariwami tiyanami nishpa, shinapash chay akllaykunata alli paktachishka mana shinashpaka llakichishkachu rikushpa kallarimanta chay katipi paktachishpa yallichishka nirkakuna.

432 niki Mamallakta kamachik kay killkakatikunapi kay Mamakamachiy Rikukwasipi, iskun kishpichikkunami wankurin paykunapak minkashka llankaykunata imashina kamachikkunapi riksichishkapi rikushpa iskun watakunata paykunapak wallita apankakuna, kipaman mana kutin mishayman yaykuy tiyanchu shinapash kimsa watakunapi mushukyachinkuna.

PV/gu-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador