Mamakamachiy Paktachiy Minkashka “PANDORA PAPERS” urmayachi huchachimanta Guillermo Lasso pushakta kayankakuna.

Lunes, 11 de octubre del 2021 - 23:54 Imprimir Elaborado por: Sala de prensa
Comisión de Garantías Constitucionales convocará al Presidente Guillermo Lasso sobre el caso “Pandora Papers”

Mamakamachiy Paktachiy Minkashka yallishka 7 wayru killapi, Hunta rimanakuy Mamallakta Tantanakuy sinchiyuyari riksirayaykunata chayachishkata paktachirkakuna, “Pandora Papers” chay urmachikunamanta taripaykunawan katinapak.      

Shuk kutin pankakunata riksichishka hawa, Minkashka tantanakuy pushak, José Cabascango, ñami sinchiyuyarikunamanta shuk iñuta paktachishkata riksichirka. “Llankaykatiy Minkashkata mañashkanchik kay tantanakuyman tukuy willaykunata taripay purachi llankayta charishkata utka yallichichun mañankuna”, riksichirkakuna.   

Shinallatak, Mamakamachiy Paktachiy Minkashka pachapuriy llankayta arinirkakuna pakta pakta taripaykunata wichiman apanapak. Kamachi chimpapurakkuna yachaymanta shamunkakuna, allikak mamakamachiy shinapash kamachiypaktay, mamallakta shinapah istamamallakta, paraísos fiscales Mamallakta pushakpak kay pachakunapi yallikushkata rimankakuna.         

Chaymanta Minkashka tukuy willachik anta wankuri ista mamallakta minkarishkakunapak taripaykunata rurashpa willachishpa, “Pandora Papers” urmachi taripaykunamanta aripaktachik rimaykunata uyanapak chaskinkakuna. Yallishka chimpapuraykunapi tukuy rimaykunata uyaykunata paktachishka hawa, Mamallakta pushakta kamachiy tantanakuyman kayankakuna, hatun tantanakuyman tukuy mutsuri willaykunata chayachichun chayshina pakta pakta llankaykatikunawan katinapak.     

Chaymanta, tantanakuypi wankurikkuna kan: Unidad de Análisis Financiero y Económico (UAFE), Servicio de Rentas Internas (SRI), Kullkillankayta Rikuk, Mamallakta Hatun Rikurayak chayshina Mamallakta Llankayta Rikuk tukuy kamay wasikunamanta minkashkakunata chaskinkakuna. Shinapash ista mamallakta yachayyuk chayshina ista kamay wasikunamanta minkashkakunata kayankakuna.       

Shuk kutin pachapuriy pankata riksishka hawa, minkashka tantanakuy pushak chimpapurayta paskarka. Kamachiy killkak Paola Cabezas Mamallakta pushak mana huchachishkachu kan nirka. “Alli pacha Llankaykatiwan katinapakmi kanchik, kaypi manarak shuktak yuyakunata ñawpachinachukanchik”, nirka.  

Kamachiy killkak Victoria Desintonio paypak llankayka kak sinchita pacha paktachishka kanka nirkakuna, “mana maypi kawsay llankaykatiy tiyankachun”. Kamachiy killkak Mario Ruiz kay iñuka tantanakuykunapak rikushkami, llankaykatiy minkashka pushak chayshina kipa pushakkunawan mana manchullayay tiyanchu.     

Paypak manyamanta, kamachiy killkak Édgar Quezada maymutsurik Mamallakta pushakta willayta chayachinapak allimi nirka, ama paypak hayñikunata pakichishka nichun, payllatak kayashpa manashinashpaka mayhan kachay munashkata chayachichun rimarkakuna.     

Kamachiy killkak Gruber Zambrano rimayka, tukuy kamachiy killkakkunapak minkashka tantanakuypi yallikkunapak kan, taripaykunata tinkishka kakmi kana kan; kay mana mana huchachishunchuk, allishunku shinapash yachaynayachiwanmi llankashun”, rimankuna. Paymanta, kamachiy killkak Sofía Sánchez, kay Mamallakta Hatun Rikurayak mañi ñawparashpa taripaykunawan kallarina nirka.    

Kamachiy killkak Virgilio Saquicela kay Mamallakta Tantanakuyman Mamallakta pushakta chayachinapak yuyarinakuymi karka. Chimpapuraykunaman Mamallakta Akllaykamayuk imashina Mamallakta pushakpak chaskishka panka candidatura nishkata chanishkata riksichichun. Chay tukuy paktachikuna kamachikkunapi alli pacha killkakatishpa paktachishpami rikushka kana kan chayshina llanakywillay mana shukpak rimakkunapak mutsurikunapi waktashkachu rikurina riksichirkakuna.   

Kamachiy killkak Fernanda Astudillo kay taripaykunata rirpuywan paktachina rimankuna, llaktayukkunapak mutsurikunata riksichishpa paktachinapak.  

Tukuy tantanakuypi wankurikkuna arnirkakuna, kamachiy killkak Victoria Desintonio yuyayta churashkata, maypika ishakya chunka chusku saylla pachakunata churan, mayhan kamay wasikamayukkunata chayachinapak shutikunata chay tantanakuyman tikrachichun mañankuna, Pandora Papers urmachi taripaykunata rikushpa paktachinapak.

SV/pv/gu-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador