Mamallakta Tantanakuy llankay wiñayta yanapan chayshina punkunata paskan kawsaypuray shinapash tawkamarka kawsaymanta yanapan katuchun.

Martes, 12 de octubre del 2021 - 15:36 Imprimir Elaborado por: Sala de prensa
La Asamblea Nacional apoya el emprendimiento y abre sus puertas para realizar la Feria Intercultural y Plurinacional

“Kay 12 puncha kuski killa, kawsaypuray tawka marka kawsaykunawan runakunapak sinchikayta yuyarinchik, shukllakawsaypura shinapash tawkamarkakawsay, kashna shuk paktalla wiñari kutinpash riksinakuypak kak shinapash 12 puncha wayru killa yallishka, chikan chika kawsayta sikchiyachinapak”, Fernando Cabascango, Mamakamachiy Paktachiy Minkashka pushak riksichirka, “llankay wiñay katuita” kallarikunata Juan Montalvo waykaypatapi, Mamallakta Tantanakuy Wasipi katurkakuna.

Kay tantanakuypi, tukuy llaktayukkunata chaskirka maypika tukuy katuy karpakunaman chayarkakuna, may allimi kan kay Quito kiti tukuy kitillikunamanta makirurakkuna paykunapak rurashkakunata katuchun shinapash, chaywan, coivd-19 llaki kawsaypi churashkamanta kay kullki llankay kutin sinchiyachinapak nirkakuna.

Kay maki rurtaykunata katunapak, shuktak kamay wasikunapak yanapaywan shinapash Consorcio de Gobiernos Autónomos Provinciales del Ecuador (CONGOPE), Pichincha Markamanta chikan chikan Kiti Ukupi Kamay Wasikuna shinallatak Fondo de Recursos Hídricos kamay wasikuna yanaparkakuna kay llankayta paktachinapak nishpa risichirka.    

Kamachiy killkak Cabascango kaymi kan kallari mamallaktapi mushuk makiruraykunata katuna pampakunapi riksichishpa katunapak chayshina kullki llankay kutin sinchiyachinapak, tukuy allukunapak kawsay shinapash murukunata pukuchi kapchiruraykunawan llaktakunapi kawsakkunata makichuranapak riksichirka.   

Laura Meléndrez shinallatak María Clementina Vaca, ishkay makirurakkuna kay katuykunapi yallik, Mamallakta Tantanakuy wasi kay mushuk yuyayta paktachishpa shinapash punkuta paskashpa yaykuchishkamanta paykunapak kapukkunata

Paymanta, kamachiy killkak Rosa Cerda, shuk yuyata kushiyarirka Mamallakta Tantanakuy wasi ukumanta rikuchin tukuylla wankurishpa sinchiyachinapak kay llaktakuna shinapash kawsaymarkakunapak muskuyta paktachinapak nirkakuna.

KC/pv/gu-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador