Soberanía Alimentaria Minkashka, Mariano Curicama makipi apakushkamanta, llaktakunapi llankaykunata sinchiyachinkuna. Chay wankuri paktanakuywan, El Oro Markaman yallirkakuna, ñawpak yuyay Yakupi Tarpuy chayshina Challwa Kamachikta mushukyachinapak yuyaykunata chaskinapak yallirkakuna.
Hatun Minkashkakuna tantanakuyman manarak rimayta yallichishpa, kamachiy tantanakuy pushak kamachik wiñachinka, maypika challwa llaktayukkunamanta rimankakuna, kay kamachik paktalla awkinkuna. Shinallatak, chay kamachikmanta shuktak yuyaykunata chayachishkata churanapak anirkakuna.
Germania Pinzón, Asobarbol minkashka, kutishuk manyakunaman challwakunata rakinapak mañankuna, kutin washa rikushpa llaktayukkunamanta chayshina llankay wasikunamantapash chikanyachishpa allichichun chaymanta challwa katuk runapak alli kawsaypak yanapayta wiñachichun, imashina shuktak llaktayukkuna charin rimankuna.
Pablo Enríquez, Manabí Markamanta Challwa Washakatuk Tantanakuy pushak, challwapi llankak llaktayukkuna yanapaykunata mutsurin nirka, shinapash mashna wampullaykunata mamakuchapi llankakkuna charinkuna llankakkunata makichuranapak. Chay katipi, challwa katuiwan pakta llankayta pusak millas kamaykunata chayachinka nirka.
Julio Alberto Yorela, Red de Cerco minkashka, mamakuchapi challwakunata llukchishpa katuykuna tukuy manyakunapi rakishpa llankankuna mana shukshinalla tantachishkamanta riksichirka. Pusak millas llaktayukkuna challwakunata surkushpa llankayta paktachiy sumaychay tiyachun mañan. Chaymanta yakupillamkay masma yachak Daniel Ángel pusak millas llaktayukkuna challwa llankaykunawan yallichun manyalla llakta pampata mañarkakuna, llaktayukkuna wichiman wiñarichun shinapash kullkita achka challwapi llankakkunata yanapanapak rimankuna.
Shuk kutin tantanakuy tukurishka hawa, kamachiy killkak Eduardo Mendoza, kay minkashkakuna mamallakta tarpuy mirachikunata apanapak hamutankuna. Challwapi llankakkuna wankurichun mañarka, maypika llankak llaktayukkuna chayshina kapukamak maymutsurimi kan pukuchishpa katinapak rimankuna. Chaykunamanta kallarimanta washa allichishpa sakinapak, ama wakllirikuna tiyachun riksichirkakuna. Shinapash challwapi llankakkunapak ikay yanapay tiyachun shinallatak wanayta yallichi tiyachun nirkakuna.
Paypak manyamanta, kamachiy killkak Xavier Santos, mamakuchapi llankakkunapak kamayta paktachinapak paktana yuyaykunata killkashpa chari usharkachu, chaymanta, minkashkamanta Orgánico Integral Penal (COIP) Kamachikta mushukyachishpa yanapanapak maypika mamakuchapi sinchi pacha anchahucha charichun.
Ashtawanpash kamachiy killkak Lucía Placencia, kay mushuk Mamallakta Tantanakuy tukuy ayllukunata hatun paktaykunapak charin, pachapuriy pankakuna ayllullaktakunapi paktachinkuna tukuy mutsurikunata challwapi llankak runakuna charishkata chaskinapak shinapash tukuylla allichita maskanapak katinkuna.
Minkashka pushak, Mariano Curicama, pushakkunata uchilla kamachikunata paktachishpa katikushkata riksichichun mañankakuna, challwa llaktayukkuna llaki urmaykunapi ama yaykuchun rikunapak nirkakuna.
SV/pv/gu-k
