Hunta rimanakuy Mamallakta Tantanakuy kallari chimpapuraypi kay ñawpak yuyay wamrakunapak kamachikta chikan chikan tantanakuy ayninakuywan katirkakuna, maypika ayninakushpa churashkata ñawpak yuyayta rimankuna, shinapash chunka wata yallishka kamachikta mushukyachinapak maskakuna.
Kamachiy killkak Fernando Cabascango, ñawpak yuyayta chayachik tukuy tantanakuykunamanta 900 yalli wamrakuna yallimushpa ayninakushkamanta yupaycharka, shuktak yuyaykunata chayachishkakuna kallari llankaywillay killkashpa shuk niki chimpapurayta paktachinapak. Ñawpak yuyay rikuchin chikan chikan kullkikuna, wakikuna, runakamachiy, tukuylla shinapash wallpasay, chusku achiklla nikikuna kan: yachay, llankay, tukuypak hampi shinapash runakuna yallina anta llankay iñukunata hapinkuna.
Paykunapak manyamanta chikan chikan ishkay niki tantanakuykunamanta apu chayashkakuna Wamrakunapak kamachik maymutsuri kan nirkakuna; tukuykuna pakta pakta rimaykunata charinapak shinapash ima yuyaykuna llukchishkata arininapak ashtawanpash kay yachay, hampi, milchi mañay killkayta anchuchichun mushuk llankayta tarikunapi hayñikunata sinchiyachinapak shinapash kawsaypuraykunata rikunapak rimankuna. Chaymanta, ñawpak yuyay rurayta tukuy wamrakuna wankurishpa ñawpak yuyaykunata tantalla aynishpa paktachishkata kushiyarka, sinchi rimaykunata churarkakuna chay kamachikpi churachun.
Tantanakuypi tukuy kamachiy killkakkuna maymutsuri kan wamrakuna shuk achiklla kamachikta charichun, shinapash mutsurikunata kamanapak paypak hayñikunawan kunan kamachikta mushukyachinapak yuyarinkuna.
Kamachiy killkakkuna wamrakuna ashalla yanapayta sistema de Seguridad Social kamay wasiman charin nirka; tukuypak yanapaykuna yachay llaktayukkunapak mutsurikunapi makichurana. Shinapash, kamachiy tantanakuyta mañarkakuna mamakamachiy iñuta rikuchun, ama yalli shuktak killkaykunapi yapalla mirachinapak, ashtawan kay llankay wiñachikunata shina, yachayman yaykuy, wamrakunaman kullki yanapay tiyachun, shinapash shuktak kamachikkunapi churashka tiyan willankuna.
Chashnallatak, llankay, hampi, kullkiyanapay, mushuk hillaykunata chaskinapak; Galápagos llakta kawsaykunata rikunapak, maypika wamrakunapak yachay shinapash llankaypash llakichishka tiyan nirkakuna.
Chunka shuk kamachiy killkakkuna chikan chikan llaktay tantanakuymanta rimashka hawa, Mamallkta Tantanakuy pushak, Guadalupe Llori Abarca, chimpapuraykunata wichkarka. Kunanka Mamakamachiy Paktachiy Minkashka tantanakuypak makipi yallin shuk llankaywillayta ishkay niki chimpapuraykunapi ima allichinakunata paktachishkata rikuchun.
JLVN/pv/gu-k
