Mamallakta Tantanakuy pushak, Guadalupe Llori Abarca, shukpaklla tantanakuyta Anthony J. Blinken Estados Unidos Mamallakta killkamayuk, maypika ñukanchik mamallaktapak maymutsuri iñukunata rimarkakuna, imashina llakta ushay iñukunata paktalla sinchiyachinapak, anchawaklliykunata makanapak, llaki kawsaykamay shinapash llaktamantallukshiriy iñukunamanta rimaykunata paktachirka. “Kay iñukuna hatun kakunamakimi kunan pachakunapi, tukuylla wankurishpa chayshina yanapay atikuk yuyarinakuy tiyachun” Mamallakta Tantanakuy pushak, nirka
Shinapash Guadalupe Llori, maymutsurikunata tankanapak shuk alli pachakunapi hayñikunamanta katinapak chayshina kishpiykaykunata paktaypi rikuchinapak, rimaykunata mirachinapak shinallatak alli kamachikkunata paktalla yuyaykunata llukchishpa sinchiyanapak rimarkakuna.
Manarak tuparikunata paktachishpa, Guadalupe Llori “América Latina mamallaktakunaman llakta ushayta ruranchik” tukuypi rimayta paktachi aynikurka, Estados Unidos Mamallakta killkakamayuk nishkakillkarka, maypika tukuy kamay wasikunakunapak pushakkuna, llaktakuna, suyukawsay minkashkakuna, sumak yachana wasi yachayukkuna chayshina willachik antakuna chayarkakuna.
Chay puncha tantanakuypi Blinken killkakamayuk shuktak hatun kakunamaki llakta ushayta, apu llankaykunata chayshina llaktayukkunata ayninakushpa pakta pakta allichinapak rimarkakuna. Shinapash maymutsuri ishkantimanta paktapuralla llaktakunapi rikurichun nirkakuna. Shinapash Estados unidos Mamallaktamanta hatun apuk riman kay Estados Unidos tantalla Ecuador Mamallaktakunawan kawsay kamay shinapash narcotráfico makay iñukunapi rimarkakuna.
KC/pv/gu-k
