“Mamallakta Tantanakuy llakta ushaymi kan, maypika kikinkuna mañashkata shinapash rikuchikunata riksichinapak wasimi kan”, tukuy tantanakuykunamanta mushuk Llankay Kamachik ñawpak yuyay chayachi pachakunapi, Guadalupe Llori Abarca, Mamallakta Tantanakuy pushakpak alli shamuyta kurkakuna.
Chaymanta, Frente Unitario de Trabajadores (FUT) tantanakuykunapak mushuk yuyaykunata kushiyarkakuna, maypika shuktak llaktayukkuna mana alli llankaykunata rikushpa llakirishpa paktachikushkamanta, shinapash shuktak tantanakuykunata Mamallakta Tantanakuy llankaypi ikkaychun kayankuna. “Ñuakanchik llankayta huchachikunawan paktachikunchik tukuy Ecuador llaktayukkunapak kawsayta makichuranapak yuyashpa”, nirkakuna.
Kay ñawpak yuyay tukuylla tantanarishpa yuyaykunata churashpa kamachiy killkakkuna Salvador Quishpe, Joel Abad, Cristian Yucailla, José Chimbo, Peter Calo llankay tantanakuykunawan rurashka kan.
Kamachiy killkak Salvador Quishpe, ñawpak yuyay rikuchishka tukuy pachakunapi yuyaykunata churashpa killkashkakunami, sinchikaymanta chayshina llankakkunapak makay kuyaylla llankayta charinapak ama precarización tiyachun riksichirkakuna.
Paymanta, Mesías Tatamuez, Confederación de Organizaciones Clasistas Unitarias de Trabajadores (CEDOCUT) pushak, ñawpak yuyayka tukuy llankakkunapak yuyaykunatami hampin rimarka. “Utkalla Mamallakta Tantanakuy shuk kamachiy llankakkunawan kallarichun shinapash tukuypak kapakkamay wiñachita paktachichun, ashtawanpash sumakkay llankaykunata wiñachichun, kullkita charirayanalla chayshina tukuypak llakta ikay yaykuyman” rimarkakuna.
Ángel Sánchez, FUT tantanakuy pushak, shinapash José Villavicencio, Unión General de Trabajadores del Ecuador pushak, hatun kamachiy llankakkunapak mutsurikiunapak mana yanapashkata kutichinkuna, tukuy nikikunata allichichun mañankuna chullayay layata, kariwarmi, chaski tukuy rikchaykunata llakichinkunata rimartnakuna.
KC/pv/gu-k
