Pushakkuna chayshina Cotacachi, Rocafuerte shinapash Montalvo tantanakuymanta minkashkakuna kay Karupi Kikinllatak Kamachik Minkashka tantanakuyman chayarkakuna, (Imbabura) Las Golondrinas kitilli wiñari, (Manabí) Sosote shinallatak (Pastaza) Montalvo kiti wiñarishka yuyari yanapachun mañankuna. Chaymanta, kamachiy killkakkuna Marlon Cadena shinapash Celestino Chumpi paykunapak rikuchikunata kay Código de Organización Territorial, Autonomía y Descentralización (Cootad) mishukyachinapak chashnallatak utkakamachiy allpa, ruray shinapash pampamanta mañaymashkaytapash riksichirkakuna.
Cecilia Cobos, Cotacachi kiti pushak minkashka, 26 niki Cootad kamachikta mushukyachichun mañarka, sayway allpa kitillikunata chayshina kitikunatapash wiñachimanta rimarkakuna, shuk nikita tantachichun chayshina saywa llakikunata rikuchun, ima rikunchikuna Las Golondrinas kitillipi yallishka rikurichun allichinapak rimankuna. Las Golondrinas llakta García Moreno kitilliman wankurishka kan shinapash 10.000 llaktayukkuna kawsan, paypak kikinyayta charichun.
Shukmanta, Ney Román Valencia, Sosote ayllullakta pushak, shuk kitilli paklla allichishpa paktachinapak shuk consultoría llankayta rurashkata riksichirkakuna. Kamachiy tantanakuyta taripaykunata rikushpa pakta pakta rurachun mañarkakuna.
Chay yuyaypi, Kamachiy killkak Marlon Cadena nirka, kay minkashka tukuy willay paktalla kitilli wiñachi Sosote ayllullakta shinapash mayhan kankashi llakikuna Rocafuerte Kiti Kamay Wasi mana allichi ushashka kay llakikuna, chay mañaykunata tukuy minkashka tantanakuy mañashkata arinirkakuna.
Franklin Castillo, Minkashka Pro-Cantonización Montalvo pushak, mañarka kay Río Tigre kitilli, Río Corrientes chayshina Montalvo kitiilikunawan tantanachishpa shuk kitita wiñachichun. 14.561 km2 saywashka allpakunata hapinkakuna. Chaymanta, 22 niki COOTAD kamachikta mushukyachichun mañankuna, Antisuyu Markakunapi kitikunata wiñachinapak llaktayuk mutsurikkuna pankata, saywashka kitillikuna chayshina patsak watakunata charina kan nishpa rimarkakuna.
Ramiro Guadalupe, Consejo Nacional de Gobiernos Parroquiales Rurales (Conagopare) Pastaza Markamanta pushak, kamachiy killkakkunata shuyan, chay mañashkata sakishkakunata chakata rurashpa allichichun mañankuna.
Mushukyachinapak rikuchikuna
Kamachiy killkak Marlon Cadena, paypak ñawpak yuyay COOTAD kamachikta mushukyachinapak riksichirka, alli kamachikpak shinallatak Karupi Kikinllatak Kamachik llankaypi mishanakuy yupalliyachiy tiyachun. Kay rikuchikunata imashina alli kamachikpak rikuchi pankakunata wiñachishpa iñichi shinapash sullriwini allikay mishashkata chaskinapak: llaktayukkuna ayninakuy chaka paskay tiyachun; masma ashtawanpash llika huchachi ushay; wakllikuy chayshina allishunku kamachikta maypika kaykunata paktachinkuna.
Kamachiy killkak Celestino Chumpi, paypak ñawpak yuyay kay Código de Organización Territorial, Autonomía y Descentralización (Cootad) mushukyachinapak chashnallatak utkakamachiy allpa, ruray shinapash pampamanta kamachikmanta riksichirka, kamachiy killkakpak riksichikunata ushashka churay pichka tukuylla ukllak Lootugs, tukuy kimsa niki GAD wiñariy paktay yuyay chayshina utkakamachiy allpa ashtawanpash pakta pakta kitikamachikunata ishkay niki wata tukurikama mamallakta washayay tiyashka, Covid-19 unkuy llakikuna tiyashkamanta allichikuna paktachun rimankuna.
Imanikuna.
2016 watapi, Consulta Popular akllaypi, Las Golondrinas llaktayukkuna Imbabura markaman kimirishpa yallinapak arinirkakuna.
Río Tigre, Río Corrientes chayshina Montalvo kashna kutuy kitillikuna tantarishpa 6.367 kawsakkuna paktankakuna.
Río Tigre, Río Corrientes chayshina Montalvo kitillikuna 81 ayllullakta kawsaymarkamanta chayshina shuk mishu: 6 Andwas, 15 Achwar, 20 kichwakuna, 16 Shiwiar, 23 Zapara shinapash shuk mishukunawan huñunkuna.
DP/pv/gu-k
