Mamallakta Tantanakuypak Fiscalización Minkarishkapi 6 ari apushitaywanmi Llaktapak Kullkikamayuk exministro, Richard Martínez runata Llaktay Wanachiyman kayachishka mañay killkata wakichinapak arinirkakuna, shinallatak kay puchukay 15 watakunapi China llaktawan kullkimañashkata imashina kutichina paktarinapak yuyarishkata rikunapak shuk taripay kallarinata yuyarirkakuna.
Kayshina yuyaypaktarimanka, Mamallakta Tantanakuyta ñawpa pushakkunami, Consejo de Administración Legislativa (CAL) tantanakuy killkata rikushka kipa tukuy kamuta mana yallichishkamanta, chay pachakuna paktarikuk kamachiyka mashna pachakuna ukupi ñawinchiy paktanata mana rimakurkachu.
Mushuk Mamallakta Tantanakuyta pushak, Guadalupe Llori Abarca, taripayta kutin kallarinapakmi mañarka. Kutinpash ñawinchiy kallarinapak tukuy mutsushka killkakunataka Killka Kamayukmi maypi kashkata kunanpi paktarikuk kamachiypi allikachun rikukun; Shinapash, Fiscalización Minkarishka, ñawpa CAL tantanakuy riksishpa arinishkamanta kutinka mana rikuy ushashkamantami, kunan puncha kay exministro Richard Martínez runata Llaktay Wanachiyman kayachishkata wakichinapak yuyarirkakuna.
Mamallakta Tantanakuy llankanapak churashkata kunanpi pushakkunaka, tukuy wankuri pushakukkunawan shinallatak CAL tantanakuywanpash yuyaypaktarishpami Ñawinchinata nakashpaka Llaktay Wanachiynatapash katinapak kallaripi llankanapak churashkakuna.
ECUADOR MAMALLAKTA TANTANAKUY
